.jpg)
വിവാദ സ്പെഷ്യല് പ്ലീഡർ നിയമനം: കെ ബി പ്രദീപ് രാജിവെച്ചു
നിയമനത്തെച്ചൊല്ലിയുള്ള വിവാദത്തിന് പിന്നാലെ പ്രദീപിനോട് രാജിവെക്കാന് മുഖ്യമന്ത്രി വി.ഡി സതീശന് ആവശ്യപ്പെടുകയായിരുന്നു.
തിരുവനന്തപുരം: ദേവസ്വം വകുപ്പിലെ ഗവണ്മെന്റ് പ്ലീഡര് സ്ഥാനത്ത് നിന്ന് രാജിവെച്ച് കെ.ബി പ്രദീപ് .നിയമനത്തെച്ചൊല്ലിയുള്ള വിവാദത്തിന് പിന്നാലെ പ്രദീപിനോട് രാജിവെക്കാന് മുഖ്യമന്ത്രി വി.ഡി സതീശന് ആവശ്യപ്പെടുകയായിരുന്നു.
ശബരിമല സ്വര്ണക്കൊള്ളയില് പ്രതിസ്ഥാനത്തുള്ള സ്മാര്ട്ട് ക്രിയേഷന്സിന്റെ അഭിഭാഷകനായിരുന്ന കെ ബി പ്രദീപിനെ ദേവസ്വം വകുപ്പിന്റെ സ്പെഷ്യല് സര്ക്കാര് പ്ലീഡറായി നിയമിച്ചതില് കേസ് അന്വേഷിക്കുന്ന പ്രത്യേക അന്വേഷണ സംഘം ആശങ്ക അറിയിച്ചിരുന്നു.
ശബരിമല സ്പെഷ്യല് കമ്മീഷണറെയാണ് എസ്ഐടി ആശങ്ക അറിയിച്ചത്. അന്വേഷണ വിവരങ്ങള് പ്രതികള്ക്ക് ചോരുമെന്നാണ് എസ്ഐടി ചൂണ്ടിക്കാണിച്ചിരുന്നത്. നിര്ണായക രേഖകള് കൈമാറുന്നതിലെആശങ്കയും എസ്ഐടി പ്രകടിപ്പിച്ചിരുന്നു സര്ക്കാരിനോട് ആശങ്ക പങ്കുവെയ്ക്കുന്നതില് എസ്ഐടിക്ക് സാങ്കേതികത തടസ്സമുണ്ട്. സ്പെഷ്യല് കമ്മീഷണര് ഇക്കാര്യം ഹൈക്കോടതിയെ അറിയിച്ചേക്കുമെന്നും വിവരമുണ്ടായിരുന്നു.
