.jpg)
വൈദ്യുതി പോസ്റ്റ് മാറ്റി സ്ഥാപിക്കുന്നതിനിടെ അപകടം, കരാര് തൊഴിലാളിക്ക് ദാരുണാന്ത്യം
കെ.എസ്.ഇ.ബി കരുവാറ്റ സെക്ഷന് പരിധിയിലെ ആനാരി വടക്ക് പ്രതിഭ ജംഗ്ഷന് പടിഞ്ഞാറ് ഇന്നലെ രാവിലെ 10 മണിയോടെയായിരുന്നു അപകടം.
ശക്തമായ കാറ്റില് ഒടിഞ്ഞു വീണ വൈദ്യുതി പോസ്റ്റ് മാറ്റി സ്ഥാപിക്കുന്നതിനിടെ അപകടം. പോസ്റ്റ് മറിഞ്ഞ് ദേഹത്ത് വീണ് കരാര് തൊഴിലാളി മരിച്ചു. ചങ്ങനാശേരി കോട്ടമുറി തൃക്കൊടിത്താനം പുതുപറമ്പില് ഭാസ്കരന്റെയും ജഗദമ്മയുടെയും മകന് അനില് കുമാര് (45) ആണ് മരിച്ചത്. കെ.എസ്.ഇ.ബി കരുവാറ്റ സെക്ഷന് പരിധിയിലെ ആനാരി വടക്ക് പ്രതിഭ ജംഗ്ഷന് പടിഞ്ഞാറ് ഇന്നലെ രാവിലെ 10 മണിയോടെയായിരുന്നു അപകടം.
tRootC1469263">
കഴിഞ്ഞ ദിവസം ഉണ്ടായ ശക്തമായ മഴയിലും കാറ്റിലും ഒടിഞ്ഞു വീണ വൈദ്യുതി പോസ്റ്റ് മാറ്റി സ്ഥാപിക്കാനായി പോസ്റ്റിനു സമീപം കുഴി എടുത്തു. ഇതോടെ പോസ്റ്റ് അനില്കുമാറിന്റെ ദേഹത്തേക്ക് വീഴുകയായിരുന്നു. ഉടന് തന്നെ ഹരിപ്പാട് താലൂക്ക് ആശുപത്രിയില് എത്തിച്ചെങ്കിലും രക്ഷിക്കാനായില്ല. യാതൊരു സുരക്ഷാമാനദണ്ഡങ്ങളും പാലിക്കാതെയാണ് കരാര് തൊഴിലാളികളെ കൊണ്ട് ജോലി ചെയ്യിപ്പിച്ചത് എന്ന ആക്ഷേപമുണ്ട്. മൃതദേഹം ഹരിപ്പാട് താലൂക്ക് ആശുപത്രി മോര്ച്ചറിയില്. ഭാര്യ: ദീപ. മക്കള്: ശ്രീലക്ഷ്മി, ശ്രീദേവ്. മരുമകന്: ബിനു ദാസ്.
