.jpg)
മതസ്പര്ധ വളര്ത്തുന്ന പ്രചാരണം; എല്ഡിഎഫിനെതിരെ തെരഞ്ഞെടുപ്പ് കമ്മീഷന് പരാതി
കോഴിക്കോട്: പേരാമ്പ്രയില് എല്ഡിഎഫ് പ്രചാരണത്തിനെതിരേ തെരഞ്ഞെടുപ്പ് കമ്മീഷന് പരാതി നല്കി യുഡിഎഫ് ജില്ലാ ചെയര്മാന്. യുഡിഎഫ് സ്ഥാനാര്ഥി ഫാത്തിമ തഹ്ലിയക്കെതിരേ എല്ഡിഎഫ് മതസ്പര്ധ വളര്ത്തുന്നരീതിയില് പ്രചാരണം നടത്തുന്നുവെന്ന് ആരോപിച്ചാണ് യുഡിഎഫ് ജില്ലാ ചെയര്മാന് തെരഞ്ഞെടുപ്പ് കമ്മീഷനെ സമീപിച്ചത്. എല്ഡിഎഫ് പ്രചാരണവാഹനത്തിന്റെ അനൗണ്സ്മെന്റിന്റെ വീഡിയോസഹിതമാണ് പരാതി നല്കിയിരിക്കുന്നത്.
തഹ്ലിയയെ പേരാമ്പ്രയില് സ്ഥാനാര്ഥിയാക്കിയ മുസ്ലിംലീഗ് മതംപറഞ്ഞ് വോട്ടുപിടിക്കുന്നുവെന്ന രീതിയിലുള്ള അനൗണ്സ്മെന്റാണ് എല്ഡിഎഫ് പ്രചാരണവാഹനത്തിലുണ്ടായിരുന്നത്. നമ്മുടെ വോട്ട് നമ്മുടെ ഖൗമിലെ കുട്ടിക്ക് എന്നാണ് ലീഗ് പ്രചാരണം നടത്തുന്നതെന്നും ഇത് മതഏകീകരണത്തിന്റെ ചിഹ്നംവിളിയാണെന്നും മതവര്ഗീയതയുടെ തന്ത്രമാണ് ലീഗ് പയറ്റുന്നതെന്നുമായിരുന്നു അനൗണ്സ്മെന്റ്. ലീഗിന്റെ മതരാഷ്ട്രീയ ധ്രുവീകരണത്തെ ചെറുത്തുതോല്പ്പിക്കണമെന്നും അനൗണ്സ്മെന്റില് പറയുന്നു.
