.jpg)
ഫോര്ട്ട് കൊച്ചിയിലെ ജൂത സംസ്കാരത്തിന്റെ അടയാളമായിരുന്ന കോഡര് ഹൗസ് ഹോട്ടലില് തീപിടിത്തം
കൊച്ചി: ഫോര്ട്ട് കൊച്ചിയില് ജൂത സംസ്കാരത്തിന്റെ അടയാളമായിരുന്ന കോഡര് ഹൗസ് ഹോട്ടലില് തീപിടിത്തം. കെട്ടിടം പൂര്ണ്ണമായും കത്തി നശിച്ചു. ഇന്നലെ വൈകിട്ട് ഏഴേകാലോടെയാണ് ഹോട്ടലിന്റെ മുകളിലെ നിലയില് നിന്നും തീയും പുകയും ഉയര്ന്നത്. പെട്ടെന്ന് തീ ആളിപ്പടരുകയായിരുന്നു. ആളപായമില്ല.
മട്ടാഞ്ചേരിയില് നിന്നും ഫയര്ഫോഴ്സ് എത്തിയാണ് തീ അണച്ചത്. 200 വര്ഷത്തോളം പഴക്കമുള്ള കെട്ടിടമാണിത്. തീ പിടിത്തതിന്റെ കാരണം വ്യക്തമല്ല. ഫോര്ട്ട് സര്ക്യൂട്ടാണ് അപകടത്തിന് കാരണമെന്നാണ് പ്രാഥമിക നിഗമനം.
1808ല് പ്രമുഖ ജൂത വ്യവസായിയായിരുന്ന സാമുവല് എസ് കോഡര് നിര്മ്മിച്ചതാണ് കോഡര് ഹൗസ്. കോഡര് കുടുംബത്തിന്റെ താമസസ്ഥലമായിരുന്നു ഇത്. ഫോര്ട്ട് കൊച്ചിയിലും മട്ടാഞ്ചേരിയിലും ആദ്യമായി വൈദ്യുതി എത്തിച്ച കൊച്ചിന് ഇലക്ട്രിക് കമ്പനിക്ക് തുടക്കമിട്ടത് സാമുവല് കേഡര് ആയിരുന്നു.
