.jpg)
ചിറയിന്കീഴിലെ തമ്മിലടി; പാളയം പ്രദീപിനെയും എസ്. സജാദിനെയും സസ്പെന്ഡ് ചെയ്ത് കോണ്ഗ്രസ്
Sep 6, 2026, 15:58 IST
കെപിസിസി അന്വേഷണ സമിതി റിപ്പോര്ട്ടിന്മേലാണ് നടപടി.
ചിറയിന്കീഴില് എംഎല്എ രമ്യാ ഹരിദാസും പ്രവര്ത്തകരും തമ്മിലുണ്ടായ അടിപിടിയില് നടപടിയുമായി കെപിസിസി. ഇരു വിഭാഗത്തിനുമെതിരെ നടപടിയെടുത്തു. രമ്യാ ഹരിദാസിന്റെ കൂടെയുണ്ടായിരുന്ന പാളയം പ്രദീപിനെയും പ്രശ്നമുണ്ടായ വീടിന്റെ ഉടമയും പ്രദേശിക നേതാവുമായ എസ്. സജാദിനെയും സസ്പെന്ഡ് ചെയ്തു. കെപിസിസി അന്വേഷണ സമിതി റിപ്പോര്ട്ടിന്മേലാണ് നടപടി.
പൊതുജനമധ്യത്തില് കോണ്ഗ്രസ് പാര്ട്ടിക്ക് അവമതിപ്പുണ്ടാക്കുന്ന വിധത്തില് ഗുരുതരമായ അച്ചടക്കലംഘനം നടത്തിയെന്നാണ് അന്വേഷണത്തില് കണ്ടെത്തിയത്. റിപ്പോര്ട്ടിന്റെ അടിസ്ഥാനത്തില് ഇരുവരെയും പാര്ട്ടിയുടെ പ്രാഥമിക അംഗത്വത്തില്നിന്ന് കെപിസിസി പ്രസിഡന്റ് സണ്ണി ജോസഫ് സസ്പെന്ന്റ് ചെയ്തതായി സംഘടനാ ചുമതലയുള്ള ജനറല് സെക്രട്ടറി നെയ്യാറ്റിന്കര സനല് അറിയിച്ചു.
