.jpg)
നെടുമങ്ങാട് എല്ഡിഎഫ്- യുഡിഎഫ് പ്രവര്ത്തകര് തമ്മില് സംഘര്ഷം
Mar 31, 2026, 05:26 IST
കോണ്ഗ്രസ് പാര്ട്ടി ഓഫീസ് കെട്ടുന്നതുമായി ബന്ധപ്പെട്ട തര്ക്കമാണ് സംഘര്ഷത്തില് കലാശിച്ചത്.
നെടുമങ്ങാട് പത്താംകല്ലില് എല്ഡിഎഫ്- യുഡിഎഫ് പ്രവര്ത്തകര് തമ്മില് സംഘര്ഷം. കോണ്ഗ്രസിന്റെ ബൂത്ത് ഓഫീസില് കയറി സിപിഎം പ്രവര്ത്തകര് കോണ്ഗ്രസ് പ്രവര്ത്തകരെ മര്ദ്ദിച്ചതായാണ് പരാതി. കോണ്ഗ്രസ് പാര്ട്ടി ഓഫീസ് കെട്ടുന്നതുമായി ബന്ധപ്പെട്ട തര്ക്കമാണ് സംഘര്ഷത്തില് കലാശിച്ചത്.
സംഘര്ഷത്തില് രണ്ട് വനിതകള് ഉള്പ്പെടെ നാല് കോണ്ഗ്രസ് പ്രവര്ത്തകര്ക്ക് പരിക്കേറ്റു. പരിക്കേറ്റവരെ നെടുമങ്ങാട് ജില്ലാ ആശുപത്രിയില് പ്രവേശിപ്പിച്ചു. ആക്രമണം നടത്തിയ സിപിഎം പ്രവര്ത്തകരെ അറസ്റ്റ് ചെയ്യണമെന്ന് ആവശ്യപ്പെട്ട് കോണ്ഗ്രസ് പ്രവര്ത്തകര് പൊലീസ് സ്റ്റേഷനു മുന്നില് പ്രതിഷേധിച്ചു.
