.jpg)
ക്രിസ്മസ്, പുതുവത്സര തിരക്ക്; പ്രത്യേക ട്രെയ്ൻ സര്വീസുകള് പ്രഖ്യാപിച്ചു
കേരളത്തില് തിരുവനന്തപുരം സെന്ട്രല്, കൊല്ലം, കായംകുളം, ചെങ്ങന്നൂര്, തിരുവല്ല, ചങ്ങനാശേരി, കോട്ടയം, എറണാകുളം ടൗണ്, ആലുവ, തൃശൂര്, ഷൊര്ണൂര്, തിരൂര്, കോഴിക്കോട്, കണ്ണൂര്, കാസര്കോട് എന്നിവിടങ്ങളില് ട്രെയ്നിനു സ്റ്റോപ്പുണ്ടാകും
തിരുവനന്തപുരം: ക്രിസ്മസ്, പുതുവത്സര സീസണില് യാത്രക്കാരുടെ തിരക്ക് വർധിക്കാൻ സാധ്യതയുള്ളതിനാല് ദക്ഷിണ പശ്ചിമ റെയില്വേ പ്രത്യേക ട്രെയ്ൻ സർവീസുകള് പ്രഖ്യാപിച്ചു.06192 തിരുവനന്തപുരം സെന്ട്രല് - ചണ്ഡീഗഡ് വണ്-വേ എക്സ്പ്രസ് സ്പെഷല്, 06283/06284 മൈസൂരു - തൂത്തുക്കുടി - മൈസൂരു എക്സ്പ്രസ് എന്നിവയാണ് പ്രഖ്യാപിച്ചത്.
tRootC1469263">06192 തിരുവനന്തപുരം സെന്ട്രല് - ചണ്ഡീഗഡ് വണ്വേ എക്സ്പ്രസ് സ്പെഷല് ഡിസംബര് 10ന് രാവിലെ 7.45 ന് തിരുവനന്തപുരത്ത് നിന്ന് പുറപ്പെട്ട് നാലാം ദിവസം പുലർച്ചെ നാലിന് ചണ്ഡീഗഡില് എത്തിച്ചേരും. കേരളത്തില് തിരുവനന്തപുരം സെന്ട്രല്, കൊല്ലം, കായംകുളം, ചെങ്ങന്നൂര്, തിരുവല്ല, ചങ്ങനാശേരി, കോട്ടയം, എറണാകുളം ടൗണ്, ആലുവ, തൃശൂര്, ഷൊര്ണൂര്, തിരൂര്, കോഴിക്കോട്, കണ്ണൂര്, കാസര്കോട് എന്നിവിടങ്ങളില് ട്രെയ്നിനു സ്റ്റോപ്പുണ്ടാകും.
06283 മൈസൂരു - തൂത്തുക്കുടി എക്സ്പ്രസ് സ്പെഷല് ഡിസംബര് 23നും 27നും വൈകിട്ട് 6.35 ന് മൈസൂരുവില് നിന്ന് പുറപ്പെട്ട് അടുത്ത ദിവസം രാവിലെ 11ന് തൂത്തുക്കുടിയില് എത്തിച്ചേരും. തിരികെ 06284 തൂത്തുക്കുടി - മൈസൂരു എക്സ്പ്രസ് സ്പെഷല് ഡിസംബര് 24നും 28നും ഉച്ചയ്ക്ക് രണ്ടിന് തൂത്തുക്കുടിയില് നിന്ന് പുറപ്പെട്ട് അടുത്ത ദിവസം രാവിലെ 7.45 ന് മൈസൂരുവില് എത്തിച്ചേരും.