.jpg)
റേഷൻ വിതരണത്തില് മാറ്റം: നീല, വെള്ള കാര്ഡുകള്ക്ക് ആട്ട പുനഃസ്ഥാപിച്ചു; വെള്ള കാര്ഡിന് അരി കുറയും
എന്നാല് വെള്ള കാർഡുകാർക്ക് ലഭിച്ചുകൊണ്ടിരുന്ന അരി വിഹിതത്തില് കുറവ് വരുത്തിയിട്ടുണ്ട്.
ആലപ്പുഴ: സംസ്ഥാനത്തെ പൊതുവിഭാഗത്തില്പ്പെട്ട നീല, വെള്ള റേഷൻ കാർഡ് ഉടമകള്ക്ക് ആശ്വാസമായി ആട്ട വിതരണം ഭക്ഷ്യവകുപ്പ് പുനഃസ്ഥാപിച്ചു.എന്നാല് വെള്ള കാർഡുകാർക്ക് ലഭിച്ചുകൊണ്ടിരുന്ന അരി വിഹിതത്തില് കുറവ് വരുത്തിയിട്ടുണ്ട്.
പ്രധാന മാറ്റങ്ങള് :
ആട്ട വിതരണം:
tRootC1469263">ദീർഘനാളത്തെ ഇടവേളയ്ക്ക് ശേഷം നീല, വെള്ള കാർഡുടമകള്ക്ക് ആട്ട ലഭിക്കും. സ്റ്റോക്കിന്റെ ലഭ്യത അനുസരിച്ച് 2 കിലോ വരെ ആട്ടയാണ് ഈ മാസം ലഭിക്കുക. കിലോയ്ക്ക് 17 രൂപയാണ് വില.
അരി വിഹിതത്തില് കുറവ്:
വെള്ള കാർഡുകാർക്ക് അനുവദിച്ചിരുന്ന അരി വിഹിതം 2 കിലോയായി കുറച്ചു. ക്രിസ്മസ് പ്രമാണിച്ച് ഡിസംബറില് നീല, വെള്ള കാർഡുകള്ക്ക് നല്കിയ അധിക അരി വിഹിതം മൂലമുണ്ടായ സ്റ്റോക്ക് കുറവാണ് ഇതിന് കാരണം. (ഡിസംബറില് വെള്ള കാർഡിന് 10 കിലോയും നീല കാർഡിന് അധികമായി 5 കിലോ അരിയും നല്കിയിരുന്നു).
ക്ഷേമ സ്ഥാപനങ്ങള്ക്ക്:
അഗതി-അനാഥ മന്ദിരങ്ങള് ഉള്പ്പെടെയുള്ള എൻ.പി.ഐ (NPI) കാർഡുകാർക്കും ഇത്തവണ ആട്ട അനുവദിച്ചിട്ടുണ്ട് (പരമാവധി ഒരു കിലോ).