.jpg)
CAT 2025 പരീക്ഷ എഴുതുന്നവർ ശ്രദ്ധിക്കൂ; അഡ്മിറ്റ് കാർഡുകൾ ഡൗൺലോഡ് ചെയ്യാം
Nov 12, 2025, 20:49 IST
ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റി (ഐ ഐ എം)ലെ, പോസ്റ്റ് ഗ്രാജ്വേറ്റ്, ഫെലോ/ഡോക്ടറൽ തല മാനേജ്മെന്റ് കോഴ്സുകളിലെ പ്രവേശനത്തിനായുള്ള പൊതുപ്രവേശന പരീക്ഷ ( കോമൺ അഡ്മിഷൻ ടെസ്റ്റ് -കാറ്റ്) ആണ് കാറ്റ്. ഇപ്രാവശ്യത്തെ പരീക്ഷയ്ക്ക് 2.95 ലക്ഷം പേരാണ് അപേക്ഷിച്ചിട്ടുള്ളത്. ഈ മാസം 30നാണ് പരീക്ഷ. അഡ്മിറ്റ് കാർഡ് പരീക്ഷാ ദിവസം വരെ ഡൗൺലോഡ് ചെയ്യാവുന്നതാണ്.
tRootC1469263">
അഹമ്മദാബാദ്, അമൃത്സർ, ബെംഗളൂരു, ബോധ്ഗയ, കൊൽക്കത്ത, ഇൻഡോർ, ജമ്മു, കാഷിപുർ, കോഴിക്കോട്, ലഖ്നൗ, മുംബൈ, നാഗ്പുർ, റായ്പുർ, റാഞ്ചി, റോത്തക്, സാംബൽപുർ, ഷില്ലോങ്, സിർമോർ, തിരുച്ചിറപ്പള്ളി, ഉദയ്പുർ, വിശാഖപട്ടണം എന്നിങ്ങനെ 21 ഐഐഎമ്മിലെ പ്രവേശനമാണ് ഈ പരീക്ഷ വഴി നടപ്പിലാക്കുക.
അഡ്മിറ്റ് കാർഡ് ലഭിക്കാനായി iimcat.ac.in എന്ന ഔദ്യോഗിക വെബ്സൈറ്റ് സന്ദർശിക്കുക. ‘Registered Candidate Login’ എന്ന ഓപ്ഷൻ ക്ലിക്ക് ചെയ്ത് ‘Admit Card’ എന്ന ഓപ്ഷൻ സെലക്ട് ചെയ്ത് അഡ്മിറ്റ് കാർഡ് ഡൌൺലോഡ് ചെയ്യാവുന്നതാണ്.