ഓണം ഇതര മതസ്ഥരുടെ ആഘോഷം, സ്‌കൂളില്‍ ഓണാഘോഷം വേണ്ടെന്ന് ഓഡിയോ സന്ദേശമിട്ട അധ്യാപികയ്‌ക്കെതിരെ കേസെടുത്തു

വിദ്വേഷ പരാമര്‍ശത്തിന് തൃശൂര്‍ കടവല്ലൂര്‍ സിറാജുല്‍ ഉലൂം സ്‌കൂളിലെ അധ്യാപികയ്‌ക്കെതിരെ കുന്നംകുളം പൊലീസ് കേസെടുത്തു.

ഓണം ഇതര മതസ്ഥരുടെ ആഘോഷമാണെന്നും സ്‌കൂളില്‍ ഓണാഘോഷം വേണ്ടെന്നും രക്ഷിതാക്കളുടെ ഗ്രൂപ്പില്‍ ഓഡിയോ സന്ദേശം ഇട്ട സംഭവത്തിലാണ് കേസ്. മതവിദ്വേഷമുണ്ടാക്കിയതിന് ജാമ്യം ലഭിക്കാവുന്ന കുറ്റമാണ് അധ്യാപികയ്‌ക്കെതിരെ ചുമത്തിയത്. ഡിവൈഎഫ്‌ഐ നല്‍കിയ പരാതിയെ തുടര്‍ന്നാണ് കുന്നംകുളം പൊലീസ് കേസെടുത്തത്.