.jpg)
പാതിവില തട്ടിപ്പ് കേസ്; ബിജെപി നേതാവ് എ എന് രാധാകൃഷ്ണനെതിരെ കേസ്
Feb 6, 2026, 13:47 IST
കൊച്ചി: പാതി വിലയ്ക്ക് ഇരുചക്ര വാഹനം നല്കാമെന്ന് വാഗ്ദാനം നല്കി പണം തട്ടിയെന്ന പരാതിയിൽ ബിജെപി നേതാവ് എ എന് രാധാകൃഷ്ണനെതിരെ കേസ്. പറവൂര് ചെങ്ങമനാട് സ്വദേശിയുടെ പരാതിയില് ആണ് നടപടി. തൃക്കാക്കര പൊലീസാണ് രാധാകൃഷ്ണനെതിരെ കേസെടുത്തത്. എ എന് രാധാകൃഷ്ണന് നേതൃത്വം നല്കുന്ന സന്നദ്ധ സംഘടനയ്ക്കെതിരെയാണ് പറവൂര് സ്വദേശി പരാതി നല്കിയത്.
tRootC1469263">എന് രാധാകൃഷ്ണന് പുറമെ സുമേഷ് രൂപേഷ് മേനോന്, കെ ടി ബിനീഷ് എന്നിവരാണ് മറ്റ് പ്രതികള്. പാതി വിലയ്ക്ക് ഇരുചക്ര വാഹനം നല്കാമെന്ന വാഗ്ദാനം വിശ്വസിച്ച് 63,500 രൂപയാണ് പരാതിക്കാരന് നല്കിയത്. പണം നല്കി രണ്ട് വര്ഷം പിന്നിട്ടിട്ടും വാഹനമോ പണമോ ലഭിച്ചില്ലെന്നാണ് പരാതി. എ എന് രാധാകൃഷ്ണന് ഉള്പ്പെടെയുള്ളവരുടെ ബാങ്ക് അക്കൗണ്ടുകള് പരിശോധിച്ച ശേഷമാകും തുടര് നടപടികൾ.
