.jpg)
തൃശൂരില് വാഹനാപകടം ; ചരക്ക് ലോറിയുടെ പിന്നില് കാര് ഇടിച്ചുണ്ടായ അപകടത്തില് എട്ടുപേര് മരിച്ചു
കയ്പമംഗലം പനമ്പിക്കുന്ന് സെന്ററില് രാത്രി 12 മണിയോടെയാണ് അപകടം.
ദേശീയപാതയില് നിര്ത്തിയിട്ടിരുന്ന ചരക്ക് ലോറിയുടെ പിന്നില് കാര് ഇടിച്ചുണ്ടായ അപകടത്തില് എട്ടുപേര് മരിച്ചു. കയ്പമംഗലം പനമ്പിക്കുന്ന് സെന്ററില് രാത്രി 12 മണിയോടെയാണ് അപകടം.
നിര്മ്മാണം പുരോഗമിക്കുന്ന ദേശീയപാതയിലെ ഡൈവേര്ഷന് ഭാഗത്ത് നിര്ത്തിയിട്ടിരുന്ന ചരക്ക് ലോറിയുടെ പിന്നിലേക്കാണ് തമിഴ്നാട് രജിസ്ട്രേഷനിലുള്ള കാര് ഇടിച്ചുകയറിയത്. ഇടിയുടെ ആഘാതത്തില് കാര് പൂര്ണമായും തകര്ന്നു. കാറിലുണ്ടായിരുന്നവരെ വാഹനം വെട്ടിപ്പൊളിച്ചാണ് പുറത്തെടുത്തത്. എല്ലാവരും സംഭവസ്ഥലത്തുതന്നെ മരിച്ചതായാണ് വിവരം.
മരിച്ചവരെ തിരിച്ചറിഞ്ഞിട്ടില്ല. ദിണ്ടിഗല് എന്ജിനീയറിംഗ് കോളേജിലെ വിദ്യാര്ത്ഥികളാണ് കാറിലുണ്ടായിരുന്നതെന്നാണ് പ്രാഥമിക വിവരം. സംഭവത്തെ തുടര്ന്ന് കയ്പമംഗലം പൊലീസ് സ്ഥലത്തെത്തി തുടര്നടപടികള് സ്വീകരിച്ചുവരികയാണ്. അപകടത്തിന്റെ കൂടുതല് വിവരങ്ങള് പൊലീസ് ശേഖരിച്ചുവരുന്നു.
