ഇന്ത്യയിലെ ഏറ്റവും ഉയർന്ന സമുദ്ര ബഹുമതി ക്യാപ്റ്റൻ രാജേഷ് ഉണ്ണിക്ക്

കൊച്ചി:  സമുദ്ര മേഖലയിലെ ഇന്ത്യയുടെ ഏറ്റവും ഉയർന്ന വ്യക്തിഗത അംഗീകാരമായ നാഷണൽ മാരിടൈം വരുണ അവാർഡ് സിനർജി മറൈൻ ഗ്രൂപ്പിന്റെ സ്ഥാപകനായ ക്യാപ്റ്റൻ രാജേഷ് ഉണ്ണിക്ക് നൽകി കേന്ദ്ര സർക്കാർ  ആദരിച്ചു.ഡയറക്ടറേറ്റ് ജനറൽ ഓഫ് ഷിപ്പിംഗ് നൽകുന്ന അവാർഡ്,  മുംബൈയിൽ നടന്ന  ദേശീയ സമുദ്ര ദിനാഘോഷ വേളയിലാണ്  ഷിപ്പിംഗ് ഡയറക്ടർ ജനറലും ദേശീയ സമുദ്ര ദിനാഘോഷ (സെൻട്രൽ) കമ്മിറ്റി ചെയർമാനുമായ ശ്രീ ശ്യാം ജഗന്നാഥൻ, ഐഎഎസ്,  അവാർഡ് സമ്മാനിച്ചു. രാജ്യത്തിന്റെ സമുദ്ര ഭൂപ്രകൃതിയെ ഗണ്യമായി രൂപപ്പെടുത്തിയ സുസ്ഥിരവും അസാധാരണവുമായ സംഭാവനകളെയാണ് ദേശീയ സമുദ്ര വരുണ അവാർഡ് അംഗീകരിക്കുന്നത്.

''ഈ ബഹുമതി ഒരു വ്യക്തിയുടെ മാത്രം അംഗീകാരമല്ല, മറിച്ച് എന്നോടൊപ്പം ഈ യാത്രയിൽ സഞ്ചരിച്ച ഓരോ നാവികരുടെയും സഹപ്രവർത്തകരുടെയും ഉപദേഷ്ടാക്കളുടെയും സഹകരണത്തിന്റെ  പ്രതിബദ്ധത കൂടിയാണ് പ്രതിഫലിപ്പിക്കുന്നത്. അവസരങ്ങളും, ആജീവനാന്ത പഠനം, മറ്റുള്ളവരുടെ ജീവിതത്തിന് അർത്ഥവത്തായ സംഭാവന നൽകാനുള്ള അവസരം എന്നിങ്ങനെ എല്ലാം എനിക്ക് നൽകിയ ഒരു മേഖല കൂടിയായ ഷിപ്പിംഗ് വ്യവസായത്തെ സേവിക്കാനുള്ള പദവി ലഭിച്ചതിൽ ഞാൻ അങ്ങേയറ്റം നന്ദിയുള്ളവനാണ്. ഈ അവാർഡ് കുറച്ച് യുവാക്കളെയെങ്കിലും കടലിലെ ജീവിതങ്ങൾ പരിഗണിക്കാൻ പ്രചോദനം നൽകുവാനോ ഒരുമിച്ച് പ്രവർത്തിക്കുമ്പോൾ നമുക്ക് എന്ത് നേടാൻ കഴിയുമെന്ന് ഓർമ്മിപ്പിക്കുകയോ ചെയ്യുന്നുവെങ്കിൽ, ഇതിന്റെ ഏറ്റവും വലിയ ഉദ്ദേശ്യം തന്നെ നിറവേറ്റിയെന്നും അദ്ദേഹം കൂട്ടിച്ചേർത്തു.5 ട്രില്യൺ യുഎസ് ഡോളർ സാമ്പത്തിക ലക്ഷ്യത്തിന് അനുസൃതമായി ഇന്ത്യൻ സർക്കാർ സമുദ്ര പരിഷ്‌കരണം നടക്കുന്ന  നിർണായക നിമിഷത്തിലാണ് ഈ അംഗീകാരം ലഭിക്കുന്നതെന്നും അദ്ദേഹം പറഞ്ഞു.

നോട്ട് ഇന്ത്യയുടെ സമുദ്ര മേഖലയിലെ ഏറ്റവും ഉയർന്ന സിവിലിയൻ അംഗീകാരമാണ് നാഷണൽ മാരിടൈം വരുണ അവാർഡ്. ഇന്ത്യൻ സമുദ്ര മേഖലയ്ക്ക് സുസ്ഥിരവും അസാധാരണവുമായ സംഭാവനകൾ നൽകിയതിന്  ഇത് വർഷം തോറും ഒരു വ്യക്തിക്ക് നൽകുന്നു.
ആഭ്യന്തര മന്ത്രാലയത്തിന്റെ ഔദ്യോഗിക അംഗീകാരത്തോടെ  നാഷണൽ മാരിടൈം ഡേ സെലിബ്രേഷൻസ് (സെൻട്രൽ) കമ്മിറ്റിയാണ് ഈ അവാർഡ് നൽകുന്നത്