.jpg)
മോഷണത്തിനായി നഗ്നനായി വീട്ടിൽ കയറി; ആശാ പ്രവര്ത്തകയ്ക്ക് നേരെ പീഡന ശ്രമം
Updated: Jul 14, 2026, 11:01 IST
ആശാവര്ക്കറായ യുവതി ജോലി കഴിഞ്ഞ് വീട്ടിലെത്തുമ്പോഴാണ് മോഷണ ശ്രമം നടന്നതായി കാണുന്നത്. വീടിന്റെ വാതില് അടക്കം ചവിട്ടിപ്പൊളിച്ച നിലയിലായിരുന്നു.
കൊച്ചി: പെരുമ്പാവൂരില് ആശാ പ്രവര്ത്തകയ്ക്ക് നേരെ പീഡന ശ്രമം. മോഷണത്തിനായി വീട്ടില് കയറിയ പ്രതി യുവതിയെ പീഡിപ്പിക്കാന് ശ്രമിമിക്കുകയായിരുന്നു. പ്രതി നഗ്നനായാണ് വീട്ടില് അതിക്രമിച്ച് കയറിയത്.
ജൂലൈ 10നാണ് കേസിനാസ്പദമായ സംഭവം നടന്നത്. ആശാവര്ക്കറായ യുവതി ജോലി കഴിഞ്ഞ് വീട്ടിലെത്തുമ്പോഴാണ് മോഷണ ശ്രമം നടന്നതായി കാണുന്നത്. വീടിന്റെ വാതില് അടക്കം ചവിട്ടിപ്പൊളിച്ച നിലയിലായിരുന്നു.
പരിശോധിക്കാനായി വീടിനുളളില് കയറുമ്പോഴാണ് നഗ്നനായ പ്രതി യുവതിയെ ആക്രമിച്ചത്. യുവതിയുടെ നിലവിളി കേട്ട് നാട്ടുകാര് കൂടിയതോടെ പ്രതി രക്ഷപ്പെടുകയായിരുന്നു. പിന്നീട് നടന്ന അന്വേഷണത്തിലാണ് പ്രതി പൊലീസിന്റെ പിടിയിലായത്. ലൈംഗിക അതിക്രമ ശ്രമമടക്കമുള്ള വകുപ്പുകള് ചുമത്തിയാണ് ഇയാള്ക്കെതിരെ കേസ് രജിസ്റ്റര് ചെയ്തത്.
