സംസ്ഥാനത്ത് കളളക്കടൽ ജാഗ്രതാ നിർദേശം; കടലാക്രമണത്തിന് സാധ്യത

തിരുവനന്തപുരം: കളളക്കടൽ ജാഗ്രതാ നിർദേശം പുറപ്പെടുവിച്ച് സംസ്ഥാന ദുരന്ത നിവാരണ അതോറിറ്റി. കളളക്കടൽ പ്രതിഭാസത്തിന്റെ ഭാഗമായി നാളെ (27-12-2025) രാത്രി 11.30 വരെ കേരളാ തീരത്ത് 0.2 മീറ്റർ മുതൽ 0.7 മീറ്റർ വരെ ഉയർന്ന തിരമാലകൾ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതി പഠന ഗവേഷണ കേന്ദ്രം അറിയിച്ചതായി കെഎസ്ഡിഎംഎ വ്യക്തമാക്കി. കടലാക്രമണത്തിന് സാധ്യതയുളളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്നും കെഎസ്ഡിഎംഎ നിർദേശിച്ചു.