.jpg)
കളത്തിലിറങ്ങാൻ നടന് വിവേക് ഗോപനും ; ബിജെപിയുടെ മൂന്നാം ഘട്ട സ്ഥാനാര്ഥി പട്ടിക പുറത്തിറക്കി
തിരുവനന്തപുരം: നിയമസഭ തെരഞ്ഞെടുപ്പില് ബിജെപിയുടെ മൂന്നാം സ്ഥാനാര്ഥി പട്ടിക പുറത്തിറക്കി ബിജെപി. 11 സീറ്റുകളിലാണ് സ്ഥാനാര്ഥികളെ പ്രഖ്യാപിച്ചത്. ഇതോടെ ആകെ 97 മണ്ഡലങ്ങളില് സ്ഥാനാര്ഥികള് ആയി.നടന് വിവേക് ഗോപന് അരുവിക്കരയില് നിന്നാണ് ജനവിധി തേടുന്നത്.
പീരുമേട് വി രതീഷ്, പുതുപ്പള്ളി രവീന്ദ്രനാഥ് വാകത്താനം, മാവേലിക്കര അജിമോന്, അടൂര് പന്തളം പ്രതാപന്, ചവറ കെ ആര് രാജേഷ്, ചടയമംഗലം ആര്എസ് അരുണ് രാജ്, ചിറയന്കീഴ് ബിഎസ് അനൂപ്, തിരുവനന്തപുരം കരമന ജയന്, അരുവിക്കര വിവേക് ഗോപന്, കോവളം ടി എന് സുരേഷ്, നെയ്യാറ്റിന്കര രാജശേഖരന് നായര് എന്നിവര് മത്സരിക്കും.
ബി എസ് അനൂപ്, ആര് എസ് അരുണ് രാജ് എന്നിവര് കോണ്ഗ്രസ് വിട്ടാണ് ബിജെപിയില് എത്തിയത്. സ്ഥാനാര്ത്ഥി നിര്ണയത്തിലെ അതൃപ്തിക്ക് പിന്നാലെയാണ് ഇവര് ബിജെപിയില് ചേര്ന്നത്. 2021ല് ചിറയിന്കീഴില് കോണ്ഗ്രസ് സ്ഥാനാര്ഥി ആയിരുന്നു ബി എസ് അനൂപ്. യൂത്ത് കോണ്ഗ്രസ് ജനറല് സെക്രട്ടറി ആയിരുന്നു ആര് എസ് അരുണ് രാജ്.