.jpg)
മുസ്ലിം പുരുഷന്റെ രണ്ടാം വിവാഹം രജിസ്റ്റര് ചെയ്യുന്നതിന് മുന്പ് ആദ്യ ഭാര്യയുടെ ഭാഗം കേള്ക്കണം ; ഹൈക്കോടതി
ആദ്യഭാര്യ എതിര്പ്പറിയിച്ചാല് രണ്ടാം വിവാഹം രജിസ്റ്റര് ചെയ്ത് നല്കരുത്.
മുസ്ലിം പുരുഷന്റെ രണ്ടാം വിവാഹം രജിസ്റ്റര് ചെയ്യുന്നതിന് മുന്പ് ആദ്യ ഭാര്യയുടെ ഭാഗം കേള്ക്കണമെന്ന് ഹൈക്കോടതി. ശേഷം മാത്രമേ രണ്ടാം വിവാഹം രജിസ്റ്റര് ചെയ്ത് നല്കുന്നതില് അധികൃതര് തീരുമാനം എടുക്കാവൂവെന്ന് ഹൈക്കോടതി നിര്ദേശിച്ചു.
ആദ്യഭാര്യ എതിര്പ്പറിയിച്ചാല് രണ്ടാം വിവാഹം രജിസ്റ്റര് ചെയ്ത് നല്കരുത്. വിവാഹത്തിന്റെ നിയമ സാധുത ശരീഅത്ത് നിയമ പ്രകാരം ബന്ധപ്പെട്ട കോടതിയില് നിന്ന് സ്ഥാപിച്ചെടുക്കാം. ഭരണഘടന ഉറപ്പുനല്കുന്ന മൗലിക അവകാശങ്ങള്ക്കാണ് മത അവകാശത്തേക്കാള് പ്രാധാന്യം. രണ്ടാം വിവാഹത്തെ എതിര്ക്കുന്ന സ്ത്രീകളുടെ വൈകാരികത അവഗണിക്കാനാവില്ലെന്നും ഹൈക്കോടതി വ്യക്തമാക്കി.
tRootC1469263">വിവാഹം രജിസ്റ്റര് ചെയ്യാന് അനുമതി തേടി ഇസ്ലാം മത വിശ്വാസി നല്കിയ ഹര്ജിയിലാണ് ഹൈക്കോടതി വിധി. ജസ്റ്റിസ് പിവി കുഞ്ഞികൃഷ്ണന് അധ്യക്ഷനായ സിംഗിള് ബെഞ്ചിന്റേതാണ് ഉത്തരവ്.