.jpg)
താമരശ്ശേരിയില് ഓട്ടോ ഡ്രൈവര് പഞ്ചായത്ത് ഓഫീസിൻ്റെ ഗോവണിപ്പടിയില് തൂങ്ങിമരിച്ച നിലയില്
Updated: May 12, 2026, 12:11 IST
ഭീഷണിയില് മനംനൊന്താണ് മരണം എന്നാണ് സുഹൃത്തുക്കള് പറയുന്നത്.ആരോപണം പരിശോധിക്കുമെന്ന് പൊലീസ് അറിയിച്ചു
കോഴിക്കോട് : ഓട്ടോ ഡ്രൈവറെ താമരശ്ശേരി പഞ്ചായത്ത് ഓഫീസിൻ്റെ ഗോവണിപ്പടിയില് തൂങ്ങിമരിച്ച നിലയില് കണ്ടെത്തി.താമരശ്ശേരി സ്വദേശി മുരളീധരൻ (56) ആണ് മരിച്ചത്. ഓട്ടോ സമീപത്ത് നിർത്തിയിട്ടിട്ടുണ്ട്. മുരളീധരൻ്റെ ഓട്ടോയുടെ വായ്പാ തിരിച്ചടവ് മുടങ്ങിയിരുന്നു. ഇന്നലെ ബജാജ് ഫൈനാൻസില് നിന്നും ജീവനക്കാർ ഓട്ടോ സ്റ്റാൻഡില് എത്തിയിരുന്നതായി സുഹൃത്തുക്കള് പറയുന്നു.
പണം ഉടൻ അടയ്ക്കാമെന്ന് പറഞ്ഞെങ്കിലും ജീവനക്കാർ ഭീഷണി മുഴക്കിയാണ് മടങ്ങിയതെന്നും ആരോപണമുണ്ട്. ഭീഷണിയില് മനംനൊന്താണ് മരണം എന്നാണ് സുഹൃത്തുക്കള് പറയുന്നത്.ആരോപണം പരിശോധിക്കുമെന്ന് പൊലീസ് അറിയിച്ചു. ഇൻക്വസ്റ്റ് നടപടികള്ക്ക് ശേഷം മൃതദേഹം പോസ്റ്റുമോർട്ടത്തിനായി കോഴിക്കോട് മെഡിക്കല് കോളേജിലേക്ക് മാറ്റും.
