.jpg)
ആറ്റുകാൽ പൊങ്കാല ; തിരുവനന്തപുരത്ത് വിദ്യാലയങ്ങൾക്ക് ഇന്നും അവധി
തിരുവനന്തപുരം : ആറ്റുകാൽ പൊങ്കാല മഹോത്സവത്തോടനുബന്ധിച്ച് സുരക്ഷാ ഡ്യൂട്ടിക്കെത്തുന്ന പോലീസ് ഉദ്യോഗസ്ഥർക്ക് താമസസൗകര്യം ഒരുക്കുന്നതിനായി തിരുവനന്തപുരം നഗരപരിധിയിലെ 28 വിദ്യാലയങ്ങൾക്ക് ഇന്ന്(മാർച്ച് 2, തിങ്കൾ) അവധി പ്രഖ്യാപിച്ചു. വിദ്യാഭ്യാസ ഉപഡയറക്ടറാണ് ഇതുസംബന്ധിച്ച ഉത്തരവിറക്കിയത്. ചാല ഗവ. ബോയ്സ് ആൻഡ് ഗേൾസ് സ്കൂളുകൾ, മണക്കാട് ഗവ. ഹയർസെക്കൻഡറി സ്കൂൾ, കമലേശ്വരം ഗവ. ഹയർസെക്കൻഡറി സ്കൂൾ, ഫോർട്ട് മിഷൻ സ്കൂൾ, തമ്പാനൂർ ഗവ. യുപി സ്കൂൾ തുടങ്ങി നഗരത്തിലെ പ്രധാനപ്പെട്ട 28 വിദ്യാഭ്യാസ സ്ഥാപനങ്ങൾക്കാണ് ഈ അവധി ബാധകമാകുന്നത്. പോലീസുകാരുടെ വിന്യാസവും ക്രമീകരണങ്ങളും സുഗമമാക്കുന്നതിന്റെ ഭാഗമായാണ് ഈ നടപടി.
tRootC1469263">പൊങ്കാല മഹോത്സവത്തിന്റെ പ്രധാന ദിവസമായ മാർച്ച് 3-ന് (ചൊവ്വ) തിരുവനന്തപുരം ജില്ലയ്ക്ക് മുഴുവനായി ജില്ലാ കളക്ടർ പ്രാദേശിക അവധി പ്രഖ്യാപിച്ചിട്ടുണ്ട്. അന്നേ ദിവസം ജില്ലയിലെ എല്ലാ വിദ്യാഭ്യാസ സ്ഥാപനങ്ങൾക്കും സർക്കാർ-അർദ്ധ സർക്കാർ സ്ഥാപനങ്ങൾക്കും അവധിയായിരിക്കും. ഫെബ്രുവരി 23-ന് ആരംഭിച്ച ആറ്റുകാൽ പൊങ്കാല മഹോത്സവം അതിന്റെ സുപ്രധാന ഘട്ടത്തിലേക്ക് കടക്കുമ്പോൾ ലക്ഷക്കണക്കിന് ഭക്തർ നഗരത്തിലേക്ക് എത്തുമെന്നാണ് പ്രതീക്ഷിക്കുന്നത്. ഇതിനായുള്ള വിപുലമായ സുരക്ഷാ-ഗതാഗത ക്രമീകരണങ്ങളാണ് ജില്ലാ ഭരണകൂടത്തിന്റെയും പോലീസിന്റെയും നേതൃത്വത്തിൽ നഗരത്തിൽ ഒരുക്കിയിരിക്കുന്നത്.
