.jpg)
ആരോഗ്യമന്ത്രി വീണ ജോര്ജിനെതിരായ അതിക്രമം ; വധശ്രമ കേസില് അഞ്ച് കെഎസ്യു പ്രവര്ത്തകര് റിമാന്ഡില്
'കൊല്ലെടാ' എന്ന് ആക്രോശിച്ച് ആയുധംകൊണ്ട് മന്ത്രിയുടെ കഴുത്തില് പരിക്കേല്പ്പിച്ചു എന്നാണ് കേസ്.
ആരോഗ്യമന്ത്രി വീണ ജോര്ജിനെതിരായ അതിക്രമവുമായി ബന്ധപ്പെട്ട വധശ്രമ കേസില് പിടിയിലായ അഞ്ച് കെഎസ്യു പ്രവര്ത്തകര് റിമാന്ഡില്. ഇന്നലെ രാത്രിയാണ് വൈദ്യ പരിശോധനയ്ക്ക് ശേഷം ഇവരെ മജിസ്ട്രേറ്റിന് മുന്നില് ഹാജരാക്കിയത്.
കെഎസ്യു ജില്ലാ പ്രസിഡന്റ് എം സി അതുല്, അഹമ്മദ് യാസീന്, സി എച്ച് മുബാസ്, വി വി അക്ഷയ്, ബിതുല് ബാലന് എന്നിവരെയാണ് റിമാന്ഡ് ചെയ്തത്. 'കൊല്ലെടാ' എന്ന് ആക്രോശിച്ച് ആയുധംകൊണ്ട് മന്ത്രിയുടെ കഴുത്തില് പരിക്കേല്പ്പിച്ചു എന്നാണ് കേസ്. കണ്ണൂര് ടൗണ് പോലീസ് അറസ്റ്റ് ചെയ്ത കെഎസ്യു പ്രവര്ത്തകരെ റെയില്വേ പോലീസിന് കൈമാറുകയായിരുന്നു. എകെജി ആശുപത്രിക്ക് മുന്നില് വെച്ച് കരിങ്കൊടി കാണിച്ച ആറ് യൂത്ത് ലീഗ് പ്രവര്ത്തകരെയും റിമാന്ഡ് ചെയ്തു. മന്ത്രി വീണാ ജോര്ജിന്റെ വാഹനത്തിന് മുന്നിലെ ഫ്ലാഗ് പോസ്റ്റ് നശിപ്പിച്ചതുള്പ്പെടെ കുറ്റങ്ങളാണ് ഇവര്ക്കെതിരെ ചുമത്തിയത്. യൂത്ത് ലീഗ് ജില്ലാ പ്രസിഡന്റ് കെകെ ഷിനാജ്, ട്രഷറര് ഷബീര് എടയന്നൂര്, സെക്രട്ടറി അഷ്കര് കണ്ണാടിപറമ്പ, ജാബിര്, നിസാം, നിഹാല് ഇരിക്കൂര് എന്നിവരാണ് റിമാന്ഡിലായത്.
tRootC1469263">കണ്ണൂര് പരിയാരം മെഡിക്കല് കോളേജില് പ്രവേശിക്കപ്പെട്ട ആരോഗ്യ മന്ത്രി വീണാ ജോര്ജിന് ഇന്ന് വിദഗ്ധ പരിശോധന നടത്തും. ഇന്നലെ രാത്രി 10 മണിയോടെയാണ് മന്ത്രിയെ പരിയാരത്ത് എത്തിച്ചത്. കഴുത്തിലെ ക്ഷതം, എംആര്ഐ സ്കാനിംഗ് ഉള്പ്പെടെ നടത്തി ആവശ്യമായ ചികിത്സ നല്കണമെന്നാണ് മെഡിക്കല് ബോര്ഡ് തീരുമാനം.
