.jpg)
പണം വാങ്ങി മേയര് പദവി നല്കിയെന്ന ആരോപണം; ലാലി ജെയിംസിനെ പാര്ട്ടിയില് നിന്ന് സസ്പെന്ഡ് ചെയ്തു
ഡോ. നിജി ജെയിംസ് പണപ്പെട്ടിയുമായി കോണ്ഗ്രസ് നേതാക്കളെ കണ്ടെന്നും പണമില്ലാത്തതിനാലാണ് താന് തഴയപ്പെട്ടതെന്നും ലാലി ആരോപിച്ചിരുന്നു
തൃശ്ശൂരിലെ കോണ്ഗ്രസ് കൗണ്സിലര് ലാലി ജെയിംസിനെ പാര്ട്ടിയില് നിന്ന് സസ്പെന്ഡ് ചെയ്തു. കോര്പറേഷന് മേയറാകാന് ഡിസിസി പ്രസിഡന്റ് പണം ആവശ്യപ്പെട്ടതായി ആരോപണം ഉന്നയിച്ചതിന് പിന്നാലെയാണ് സസ്പെന്ഷന്.
മേയറായി തെരഞ്ഞെടുക്കപ്പെട്ട ഡോ. നിജി ജെയിംസ് പണപ്പെട്ടിയുമായി കോണ്ഗ്രസ് നേതാക്കളെ കണ്ടെന്നും പണമില്ലാത്തതിനാലാണ് താന് തഴയപ്പെട്ടതെന്നും ലാലി ആരോപിച്ചിരുന്നു. നിജി ജസ്റ്റിന്റെ സ്ഥാനമാനങ്ങളാണ് നേതൃത്വം ഇപ്പോള് പറയുന്നത്. വൈറ്റ് കോളറായി കടന്ന് വന്നുവെന്നല്ലാതെ പാര്ട്ടിയുടെ ഏതെങ്കിലും സമരമുഖങ്ങളില് നിജി ജസ്റ്റിന് ഉണ്ടായിരുന്നോ എന്നും ലാലി ജെയിംസ് പ്രതികരിച്ചു. പാര്ട്ടി തന്നെ തഴഞ്ഞതില് കടുത്ത വേദനയുണ്ടെന്നും ലാലി ജെയിംസ് പ്രതികരിച്ചിരുന്നു.
tRootC1469263">പാര്ട്ടിയ്ക്ക് വേണ്ടി പതിറ്റാണ്ടുകളായി താന് സമരമുഖത്ത് സജീവമാണ്. ആദ്യ ടേമിലെങ്കിലും മേയറാകണമെന്ന് ആഗ്രഹം പറഞ്ഞെങ്കിലും പാര്ട്ടി അത് നിഷേധിച്ചുവെന്നും ലാലി വ്യക്തമാക്കി. പാര്ട്ടിക്ക് ദോഷമുണ്ടാക്കുന്ന ഒന്നും തന്റെ ഭാഗത്ത് നിന്നും ഉണ്ടാകില്ലെന്നും സത്യപ്രതിജ്ഞ ചടങ്ങില് പങ്കെടുക്കുമെന്നും ലാലി പറഞ്ഞിരുന്നു. നാല് തവണ കൗണ്സിലറായി വിജയിച്ച ലാലി ജെയിംസിന്റെ പേര് കൗണ്സിലര് സ്ഥാനത്തേയ്ക്ക് നേരത്തെ ഉയര്ന്ന് കേട്ടിരുന്നു. എന്നാല് ഡോ. നിജി ജസ്റ്റിനെയാണ് കോണ്ഗ്രസ് മേയര് സ്ഥാനത്തേയ്ക്ക് പരിഗണിച്ചത്. ഇതിന് പിന്നാലെയാണ് ഗുരുതര ആരോപണവുമായി ലാലി ജെയിംസ് രംഗത്തെത്തിയത്.
