ഒരു പെണ്‍കുട്ടിയുടെ ധീരമായ വെളിപ്പെടുത്തലുകള്‍ ആക്രമിക്കപ്പെടുന്ന മുഴുവന്‍ പെണ്‍കുട്ടികള്‍ക്കും വേണ്ടിയുള്ളത്, അതിജീവിതയ്‌ക്കൊപ്പമെന്ന് കെ കെ ശൈലജ

നടി ആക്രമിക്കപ്പെട്ട കേസിലെ വിചാരണക്കോടതിക്കെതിരായ അതിജീവിതയുടെ ആദ്യ പ്രതികരണം പുറത്ത് വന്നതിന് പിന്നാലെ പിന്തുണയുമായി രംഗത്തെത്തിയിരിക്കുകയാണ് കെ കെ ശൈലജ. 

അതിജീവിതയുടെയും മഞ്ജുവിന്റെയും അഭിപ്രായങ്ങള്‍ സമൂഹം ശ്രദ്ധിക്കേണ്ടതാണെന്നും ഒരു പെണ്‍കുട്ടിയുടെ ധീരമായ വെളിപ്പെടുത്തലുകള്‍ ആക്രമിക്കപ്പെടുന്ന മുഴുവന്‍ പെണ്‍കുട്ടികള്‍ക്കും വേണ്ടിയുള്ളതാണെന്നും കെ കെ ശൈലജ പറഞ്ഞു. തന്റെ ഫേസ്ബുക്ക് അക്കൗണ്ടില്‍ പങ്കുവച്ച കുറിപ്പിലൂടെയായിരുന്നു കെ കെ ശൈലജയുടെ പ്രതികരണം.