.jpg)
നടനും സംവിധായകനുമായ ഇ എ രാജേന്ദ്രന് അന്തരിച്ചു
Mar 26, 2026, 07:16 IST
ഏറെ കാലമായി അസുഖ ബാധിതനായിരുന്നു
നടനും സംവിധായകനുമായ ഇ എ രാജേന്ദ്രന് അന്തരിച്ചു. കൊല്ലം പട്ടത്താനത്തെ വസതിയിലായിരുന്നു അന്ത്യം. ഏറെ കാലമായി അസുഖ ബാധിതനായിരുന്നു. നടന് മുകേഷിന്റെ സഹോദരി സന്ധ്യയുടെ ഭര്ത്താവാണ്. സംസ്കാരം നാളെ തൃശൂര് തൃത്തല്ലൂരില് നടക്കും.
കളിയാട്ടം, പട്ടാഭിഷേകം, നരസിംഹം, തച്ചിലേടത്ത് ചുണ്ടന്, മീശമാധവന് തുടങ്ങി നിരവധി സിനിമകളില് ശ്രദ്ധേയമായ വേഷങ്ങളില് അഭിനയിച്ചു. നാടക കലാകാരന് കൂടിയായ അദ്ദേഹം കാരക്ടര് റോളുകളിലും വില്ലന് റോളുകളിലും തിളങ്ങി. മകന് ദിവ്യദര്ശന് അഭിനേതാവാണ്.