.jpg)
നടന് സിദ്ദിഖ് മുന്കൂര് ജാമ്യത്തിന് ശ്രമം തുടങ്ങി
Aug 28, 2024, 08:59 IST
യുവ നടിയുടെ പരാതിയില് ബലാത്സംഗം കുറ്റം ചുമത്തിയ സാഹചര്യത്തില് നടന് സിദ്ദിഖ് മുന്കൂര് ജാമ്യത്തിന് ശ്രമം തുടങ്ങി. കൊച്ചിയിലെ അഭിഭാഷകരുമായി സിദ്ദിഖ് ചര്ച്ച നടത്തി. ഹൈക്കോടതിയെ സമീപിക്കാനാണ് പ്രാഥമിക ആലോചന.
യുവ നടിയുടെ പരാതിയില് ബലാത്സംഗത്തിനും ഭീഷണിപ്പെടുത്തലിനുമാണ് മ്യൂസിയം പൊലീസ് സിദ്ദിഖിനെതിരെ കേസെടുത്തിരിക്കുന്നത്.
2016 ല് തിരുവനന്തപുരത്തെ ഹോട്ടലില് വെച്ച് പരാതിക്കാരിയെ സിദ്ദിഖ് ബലാത്സംഗം ചെയ്തെന്നാണ് കേസ്. ഡിജിപിക്ക് ഇമെയില് മുഖേനെയാണ് നടി പരാതി നല്കിയത്. സിനിമയില് അവസരം വാഗ്ദാനം ചെയ്ത് വിളിച്ച് വരുത്തി മാസ്കറ്റ് ഹോട്ടലില് വെച്ച് ബലാത്സംഗം ചെയ്തെന്നായിരുന്നു നടിയുടെ വെളിപ്പെടുത്തല്. പിന്നാലെ സിദ്ദിഖ് അമ്മ ജനറല് സെക്രട്ടറി സ്ഥാനം രാജി വെച്ചിരുന്നു
