.jpg)
നിമിഷ പ്രിയയുടെ മോചനത്തിനായി ഗള്ഫ് കേന്ദ്രീകരിച്ച് സജീവ ചര്ച്ചകള് ; വൈകാതെ പോസിറ്റീവ് വിവരം കേള്ക്കാമെന്ന് ചാണ്ടി ഉമ്മന്
യെമനില് ബന്ധമുള്ള പ്രവാസി വ്യവസായികള് വഴി ഖത്തറും യുഎഇയും കേന്ദ്രീകരിച്ചാണ് ചര്ച്ചകള് നടക്കുന്നത്.
നിമിഷ പ്രിയയുടെ മോചനത്തിനായി ഗള്ഫ് കേന്ദ്രീകരിച്ച് സജീവ ചര്ച്ചകള് നടക്കുകയാണ്. യുഎഇയിലും ഖത്തറിലും ചര്ച്ചകള് നടന്നതായും അടുത്ത ദിവസങ്ങളില് തന്നെ പോസിറ്റീവായ വിവരം കേള്ക്കാനാകുമെന്ന് പ്രതീക്ഷിക്കുന്നുവെന്നും വിഷയത്തില് ഇടപെടുന്ന ചാണ്ടി ഉമ്മന് എംഎല്എ പറഞ്ഞു. യെമനില് ബന്ധമുള്ള പ്രവാസി വ്യവസായികള് വഴി ഖത്തറും യുഎഇയും കേന്ദ്രീകരിച്ചാണ് ചര്ച്ചകള് നടക്കുന്നത്. നിമിഷ പ്രിയയുടെ മോചന ശ്രമങ്ങളില് കാന്തപുരത്തെ മറികടക്കാന് ശ്രമിച്ചിട്ടില്ലെന്നും ചാണ്ടി ഉമ്മന് കൂട്ടിച്ചേര്ത്തു. തെറ്റിദ്ധരി ച്ച ഇടതുപക്ഷക്കാര് പറഞ്ഞ പ്രചാരണമാകാമെന്നും വിഷയത്തില് രാഷ്ട്രീയം കലര്ത്തരുതെന്നും ചാണ്ടി ഉമ്മന് പറഞ്ഞു.
tRootC1469263">2017 ജൂലൈ 25ന് യെമനില് നഴ്സായി ജോലി ചെയ്യുന്നതിനിടെ സ്വന്തമായി ക്ലിനിക് തുടങ്ങാന് സഹായ വാഗ്ദാനവുമായി വന്ന യെമന് പൌരന് തലാല് അബ്ദുമഹദിയെയാണ് നിമിഷ പ്രിയ കൊലപ്പെടുത്തിയത്. നിമിഷ പ്രിയയുടെ പാസ്പോര്ട്ട് പിടിച്ചെടുത്ത് നടത്തിയ ക്രൂര പീഡനമാണ് കൊലപാതകത്തിലേക്ക് നയിച്ചതെന്നായിരുന്നു നിമിഷ പറയുന്നത്. തലാലിന് അമിത ഡോസ് മരുന്നു കുത്തിവച്ചാണ് കൊലപ്പെടുത്തിയത്. തുടര്ന്ന് മൃതദേഹം വീടിനുമുകളിലെ ജലസംഭരണിയില് ഒളിപ്പിക്കുകയായിരുന്നു.
