.jpg)
സൗദി ജയിലില് കഴിയുന്ന അബ്ദുല് റഹീമിന്റെ മോചനം ഉടന്
May 14, 2026, 06:30 IST
മെയ് 20 ന് റഹീം നാട്ടിലെത്തുമെന്നാണ് ആക്ഷന് കൗണ്സില് പ്രതീക്ഷിക്കുന്നത്.
സൗദി അറേബ്യയിലെ റിയാദില് ജയിലില് കഴിയുന്ന കോഴിക്കോട് സ്വദേശി അബ്ദുല് റഹീമിന്റെ മോചനം ഉടന്. പേപ്പര് വര്ക്കുകള് പൂര്ത്തിയായാല് മെയ് 19 ന് മോചനമെന്ന് ആക്ഷന് കൗണ്സില് അറിയിച്ചു. മെയ് 19 ന് ശിക്ഷാ കാലാവധി അവസാനിക്കും. മെയ് 20 ന് റഹീം നാട്ടിലെത്തുമെന്നാണ് ആക്ഷന് കൗണ്സില് പ്രതീക്ഷിക്കുന്നത്. സൗദി ബാലനെ കൊലപ്പെടുത്തിയ കേസിലാണ് അബ്ദുല് റഹീം അറസ്റ്റിലായത്.
2006 നവംബറിലാണ് സൗദി ബാലന് അനസ് അല് ഫായിസിന്റെ കൊലപാതക കേസില് അബ്ദുള് റഹാം അറസ്റ്റിലാകുന്നത്.
2012 ലാണ് വധശിക്ഷ വിധിച്ചത്. പിന്നീട് ഒന്നര കോടി സൗദി റിയാല് (34 കോടിയിലേറെ ഇന്ത്യന് രൂപ) ദിയാധനം (മോചനദ്രവ്യം) നല്കിയതിന്റെ പശ്ചാത്തലത്തില് കോടതി വധശിക്ഷ ഒഴിവാക്കിയിരുന്നു.
