കണ്ണൂരിൽ നിന്നും കോഴിക്കോടേക്ക് പോയ സ്വകാര്യ ബസിന് തീപ്പിടിച്ചു

കണ്ണൂർ: കണ്ണൂരിൽ നിന്നും കോഴിക്കോട് പോയ സ്വകാര്യ ബസിന് തീപ്പിടിച്ചു. കോഴിക്കോട് ദേശീയ പാതയിൽ ഓടിക്കൊണ്ടിരുന്ന സ്വകാര്യ ബസിനാണ് തീപിടിച്ചത്. നാദാപുരം റോഡിൽ ഞായറാഴ്ച്ചരാവിലെ പതിനൊന്നോടെയായിരുന്നു അപകടം. 

കണ്ണൂരിൽ നിന്ന് കോഴിക്കോട്ടേക്ക് പോവുകയായിരുന്ന സ്വകാര്യ ബസിനാണ് തീപിടിച്ചത്. ഓടിക്കൊണ്ടിരുന്ന ബസിന്റെ എൻജിൻ ഭാ​ഗത്ത് നിന്നും തീയും പുകയും ഉയരുന്നത് കണ്ട് ജീവനക്കാർ ബസ് നിർത്തുകയായിരുന്നു. 

ബസിലുണ്ടായുരുന്ന യാത്രക്കാരെ ഉടൻ തന്നെ പുറത്തിറക്കിയതിനാൽ ആളപായമുണ്ടായില്ല. നാട്ടുകാരും ബസ് ജീവനക്കാരും ചേർന്ന് വെള്ളമൊഴിച്ച് തീയണക്കാൻ ശ്രമിച്ചിരുന്നു. തുടർന്ന് അ​ഗ്നി രക്ഷാ സേനയെത്തി തീയണക്കുകയായിരുന്നു.