വടക്കനാട് ജനവാസ മേഖലയില്‍ ഇറങ്ങി ഭീതി പരത്തിയിരുന്ന മുട്ടിക്കൊമ്പനെ മയക്കുവെടി വെച്ചു

മാനന്തവാടി:  വടക്കനാട് ജനവാസ മേഖലയില്‍ ഇറങ്ങി ഭീതി പരത്തിയിരുന്ന കാട്ടാനയെ മയക്കുവെടി വെച്ചു.. ദൗത്യത്തിന്റെ 13ആം ദിവസമാണ് കാട്ടാനയെ പിടികൂടാൻ കഴിഞ്ഞത്. മുട്ടിക്കൊമ്പൻ എന്ന് പ്രദേശവാസികള്‍ വിളിച്ചിരുന്ന ടി ടി വണ്‍ എന്ന ആനയെയാണ് ഇന്ന് പുലർച്ചയോടെ മയക്കുവെടി വച്ചത്.

രാത്രി മുതല്‍ വനം വകുപ്പ് ആനയെ നിരീക്ഷിച്ചുവരികയായിരുന്നു. കർഷകനായ രജീവ് കാട്ടാന ആക്രമണത്തില്‍ കൊല്ലപ്പെട്ടതോടെ പ്രദേശത്ത് വലിയ പ്രതിഷേധം ഉയർന്നിരുന്നു.

പിന്നാലെയാണ് ആനയെ മയക്കുവെടി വെക്കാനുള്ള ഉത്തരവ് വനം വകുപ്പ് പുറപ്പെടുവിച്ചത്. ഇപ്പോള്‍ വനത്തിനകത്തുള്ള കാട്ടാനയെ കുങ്കി ആനകളുടെ സഹായത്തോടെ പുറത്തെത്തിക്കാനുള്ള ശ്രമം തുടരുകയാണ്