ഗുരുവായൂരപ്പന് കാണിക്കയായി 37 പവൻ തൂക്കമുള്ള സ്വർണക്കിരീടം

തൃശൂർ.ഗുരുവായൂരപ്പന് കാണിക്കയായി 37 പവൻ തൂക്കമുള്ള സ്വർണക്കിരീടം സമർപ്പിച്ചു.തിരുപ്പൂരിലെ വ്യവസായിയായ രാജൻ പി. നായരാണ് 299.9 ഗ്രാം വരുന്ന, വിലപിടിപ്പുള്ള കല്ലുകള്‍ പതിച്ച സ്വർണ്ണക്കിരീടം ഭഗവാന് വഴിപാടായി നല്‍കിയത്.

ദേവസ്വം ഭരണസമിതി അംഗം സി.മനോജ്, ക്ഷേത്രം ഡപ്യൂട്ടി അഡ്മിനിസ്‌ട്രേറ്റര്‍ എം.രാധ, അസി.മാനേജര്‍ എം. ഹരിദാസ് എന്നിവരുടെ സാന്നിധ്യത്തില്‍ ഏറ്റുവാങ്ങിയ കിരീടം ചാർത്തിയാണ് ഇന്നത്തെ പൂജ നടത്തിയത്. വഴിപാടുകാരനും കുടുംബത്തിനും കളഭവും തിരുമുടി മാലയും പഴവും പഞ്ചസാരയുമടങ്ങുന്ന ഗുരുവായൂരപ്പന്റെ പ്രസാദങ്ങള്‍ നല്‍കി.