.jpg)
കൊല്ലത്ത് നാല് വയസ്സുകാരിക്ക് മുന്നില് ലൈംഗിക വൈകൃതം നടത്തിയെന്ന പരാതി; പിതാവിനെതിരെ പോക്സോ കേസ്
Updated: Aug 22, 2026, 10:51 IST
കിടപ്പുമുറിയില് നിന്നുള്ള സ്വകാര്യദൃശ്യങ്ങള് പകര്ത്തി ഭര്ത്താവ് അശ്ലീല വെബ്സൈറ്റുകള്ക്ക് വിറ്റെന്നായിരുന്നു യുവതിയുടെ പരാതി
കൊല്ലം: കൊല്ലത്ത് നാല് വയസ്സുകാരിയായ മകള്ക്ക് മുന്നില് ലൈംഗിക വൈകൃതം നടത്തിയെന്ന പരാതിയില് പിതാവിനെതിരെ പോക്സോ കേസ്. ജൂവനൈല് ജസ്റ്റിസ് ആക്ടും ചേര്ത്തു.
ദൃശ്യങ്ങള് ഉള്പ്പെടെ നല്കിയിട്ടും പൊലീസ് പോക്സോ വകുപ്പ് ചുമത്താന് തയ്യാറാവുന്നില്ലെന്ന് പരാതിക്കാരി ആരോപിച്ചിരുന്നു. സമാന ആവശ്യം ഉന്നയിച്ച് സംസ്ഥാന പൊലീസ് മേധാവിയെയും പരാതിക്കാരി സമീപിച്ചിരുന്നു.
പ്രതി കുട്ടിക്ക് മുന്നില് ലൈംഗിക വൈകൃതം നടത്തി എന്നത് പരാതിക്കാരി പുറത്തുവിട്ട ഓഡിയോകളില് വ്യക്തമായിരുന്നു.കിടപ്പുമുറിയില് നിന്നുള്ള സ്വകാര്യദൃശ്യങ്ങള് പകര്ത്തി ഭര്ത്താവ് അശ്ലീല വെബ്സൈറ്റുകള്ക്ക് വിറ്റെന്നായിരുന്നു യുവതിയുടെ പരാതി. സമാന പരാതിയില് മകള്ക്കെതിരെ പിതാവ് നടത്തുന്ന ലൈംഗികവൈകൃതങ്ങളെക്കുറിച്ചും പരാതിപ്പെട്ടിരുന്നു.
