.jpg)
നാവികസേനാ കപ്പലിന്റെ അറ്റകുറ്റപ്പണിക്കിടെ കരാർ തൊഴിലാളിയായ ഡൈവർ മുങ്ങിമരിച്ചു
ഉച്ച കഴിഞ്ഞ് കപ്പലിന്റെ അടിത്തട്ടിലേക്ക് മുങ്ങിയ അൻവറുമായുള്ള ആശയവിനിമയം അല്പസമയം കഴിഞ്ഞപ്പോള് തടസപ്പെട്ടതോടെയാണ് അപകടം സംഭവിച്ചതായി ഒപ്പമുള്ളവർ മനസിലാക്കിയത്
എറണാകുളം : നാവികസേനാ കപ്പലിന്റെ അറ്റകുറ്റപ്പണിക്കിടെ കരാർ തൊഴിലാളിയായ ഡൈവർ മുങ്ങിമരിച്ചു.മലപ്പുറം സ്വദേശിയായ അൻവർ സാദത്ത് (25) ആണ് മരിച്ചത്. ഇന്നലെ ഉച്ചയ്ക്ക് ശേഷമാണ് അപകടം ഉണ്ടായത്.
ഇന്നലെ രാവിലെ മുതല് കപ്പലിന്റെ അറ്റകുറ്റപ്പണികള് ആരംഭിച്ചിരുന്നു. ഉച്ച കഴിഞ്ഞ് കപ്പലിന്റെ അടിത്തട്ടിലേക്ക് മുങ്ങിയ അൻവറുമായുള്ള ആശയവിനിമയം അല്പസമയം കഴിഞ്ഞപ്പോള് തടസപ്പെട്ടതോടെയാണ് അപകടം സംഭവിച്ചതായി ഒപ്പമുള്ളവർ മനസിലാക്കിയത്.
tRootC1469263">ഒരു വർഷമായി ഈ മേഖലയില് പ്രവർത്തിക്കുന്ന ഡൈവറാണ് കപ്പലിന് മുകളില് നിന്ന് സുരക്ഷാ കാര്യങ്ങള് നോക്കിയിരുന്നത്. മേഖലയില് അഞ്ചു വർഷത്തെ പ്രവൃത്തി പരിചയം ഉള്ള മുങ്ങല് വിദഗ്ദ്ധനാണ് മരിച്ച അൻവർ സാദത്ത്.എറണാകുളം ജില്ലയിലെ ചുള്ളിക്കല് ആസ്ഥാനമായ ഡൈവിംഗ് അക്കാദമിയിലെ മുങ്ങല് വിദഗ്ദ്ധനായിരുന്നു അൻവർ സാദത്ത്.
കപ്പലിന്റെ അറ്റകുറ്റപ്പണിക്കായി കമ്ബനിയില് നിന്നും മുങ്ങല് വിദഗ്ദ്ധരെ കരാർ അടിസ്ഥാനത്തില് നല്കാറുണ്ട്. ആശുപത്രിയില് എത്തിക്കുമ്ബോള് ജീവൻ ഉണ്ടായിരുന്നെങ്കിലും അഞ്ച് മണിയോടെ അപകടം സംഭവിക്കുകയായിരുന്നു. ഇൻക്വിസ്റ്റ് നടപടികള് പൂർത്തിയാക്കി വരികയാണെന്നും പോസ്റ്റ്മോർട്ടം പൂർത്തിയായി കഴിഞ്ഞാല് മൃതദേഹം ഇന്നുതന്നെ നാട്ടിലേക്ക് അയക്കുമെന്നും പൊലീസ് വ്യക്തമാക്കി. സംഭവത്തില് കൂടുതല് അന്വേഷണം നടത്തുമെന്ന് പൊലീസ് കൂട്ടിച്ചേർത്തു.