.jpg)
രാഹുല് മാങ്കൂട്ടത്തിലിനെതിരെ കേസെടുക്കുന്നത് വലിയമല പൊലീസ് സ്റ്റേഷനില്
അതിജീവിതയുടെ പരാതി ലഭിച്ച മുഖ്യമന്ത്രി ഉടന് ക്രൈം ബ്രാഞ്ച് മേധാവി എച്ച്.വെങ്കിടേഷിനെ ഓഫീസിലേക്ക് വിളിച്ചുവരുത്തി കേസെടുക്കുന്ന കാര്യം ചര്ച്ച ചെയ്തു
ലൈംഗിക പീഡന പരാതിയില് പാലക്കാട് എംഎല്എ രാഹുല് മാങ്കൂട്ടത്തിലിനെതിരെ പൊലീസ് ഉടന് കേസെടുക്കും. തിരുവനന്തപുരം വലിയമല പൊലീസ് സ്റ്റേഷനിലാണ് എഫ്ഐആര് രജിസ്റ്റര് ചെയ്യുന്നത്. പിന്നീട് കേസ് നേമം പൊലീസ് സ്റ്റേഷനിലേക്ക് കൈമാറും. തിരുവനന്തപുരം റൂറല് എസ് പിക്കാണ് കേസിന്റെ അന്വേഷണ ചുമതല. കേസില് പരാതിക്കാരിയായ അതിജീവിതയുടെ മൊഴി ഇന്നലെ രാത്രി രേഖപ്പെടുത്തിയിരുന്നു. ഇന്നലെ വൈകിട്ടോടെയാണ് അതിജീവിത മുഖ്യമന്ത്രിയുടെ ഓഫീസില് നേരിട്ടെത്തി പരാതികളും തെളിവുകളും കൈമാറിയത്.
tRootC1469263">
അതിജീവിതയുടെ പരാതി ലഭിച്ച മുഖ്യമന്ത്രി ഉടന് ക്രൈം ബ്രാഞ്ച് മേധാവി എച്ച്.വെങ്കിടേഷിനെ ഓഫീസിലേക്ക് വിളിച്ചുവരുത്തി കേസെടുക്കുന്ന കാര്യം ചര്ച്ച ചെയ്തു. സ്ത്രീകളെ പിന്തുടര്ന്ന് ശല്യം ചെയ്ത കേസില് നേരത്തെ ക്രൈം ബ്രാഞ്ച് രാഹുല് മാങ്കൂട്ടത്തിലിനെതിരെ സ്വമേധയാ കേസെടുത്തിരുന്നു. എന്നാല് അതിജീവിത നേരിട്ട് ലൈംഗിക പീഡന പരാതി നല്കിയ സാഹചര്യത്തില് ഈ കേസ് പ്രത്യേക കേസായി എഫ്ഐആര് രജിസ്റ്റര് ചെയ്ത് അന്വേഷിക്കാനാണ് പൊലീസിന്റെ തീരുമാനം.
