.jpg)
കൊല്ലത്ത് അമ്മയ്ക്കൊപ്പം സ്കൂട്ടറില് പോവുകയായിരുന്ന 14കാരന് വാഹനാപകടത്തില് ദാരുണാന്ത്യം
അയത്തില് സ്വദേശി സല്മാന് ഫാരിസ് ആണ് മരിച്ചത്
കൊല്ലത്ത് അമ്മയ്ക്കൊപ്പം സ്കൂട്ടറില് പോവുകയായിരുന്ന 14കാരന് വാഹനാപകടത്തില് ദാരുണാന്ത്യം. അയത്തില് സ്വദേശി സല്മാന് ഫാരിസ് ആണ് മരിച്ചത്. കൊല്ലം പാല്കുളങ്ങരയ്ക്ക് സമീപത്താണ് ദാരുണമായ സംഭവം ഉണ്ടായത്. ഇരുവരും സഞ്ചരിച്ച സ്കൂട്ടറില് ടിപ്പര് ലോറി ഇടിച്ചാണ് അപകടം ഉണ്ടായത്. റോഡിലേക്ക് തെറിച്ചുവീണ കുട്ടിയുടെ ശരീരത്തിലൂടെ ടിപ്പര് ലോറി കയറി ഇറങ്ങിയാണ് മരണം സംഭവിച്ചത്.
ലോറിയെ മറികടക്കാന് ശ്രമിക്കുന്നതിനിടെ എതിരെ വന്ന ഇരുചക്ര വാഹനത്തില് തട്ടി നിയന്ത്രണം നഷ്ടപ്പെട്ട് സ്കൂട്ടര് ലോറിക്ക് അടിയിലേക്ക് വീഴുകയായിരുന്നുവെന്ന് പൊലീസ് പറഞ്ഞു. അമ്മ എതിര് ഭാഗത്തേക്കും മകന് ലോറിക്ക് അടിയിലേക്കും വീവുകയായിരുന്നു. ദേശീയപാത നിര്മ്മാണം നടക്കുന്നതിനാല് വാഹനങ്ങള് പല റോഡുകളിലൂടെ വഴി തിരിച്ചാണ് കടത്തി വിടുന്നത്. ഇരുഭാഗങ്ങളിലേക്ക് വാഹനങ്ങള് പോകാന് വീതി കുറവുള്ള റോഡിലാണ് അപകടം ഉണ്ടായത്. മൃതദേഹം ആശുപത്രിയിലേക്ക് മാറ്റി.
