.jpg)
മഹാരാഷ്ട്രയിൽ 10 ജില്ലകളിൽ‘യെല്ലോ അലേർട്ട്’
അപ്രതീക്ഷിതമായ കാലാവസ്ഥാ മാറ്റങ്ങൾ മഹാരാഷ്ട്രയുടെ തീരദേശ മേഖലകളെയും പ്രധാന നഗരങ്ങളെയും ഭീതിയിലാഴ്ത്തുകയാണ്. സംസ്ഥാനത്തെ 10-ഓളം ജില്ലകളിൽ ഇന്ത്യൻ കാലാവസ്ഥാ വകുപ്പ് (IMD) യെല്ലോ അലേർട്ട് പ്രഖ്യാപിച്ചിരിക്കുകയാണ്. അടുത്ത മൂന്ന് മണിക്കൂറിനുള്ളിൽ നേരിയതോ മിതമായതോ ആയ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. കിഴക്കൻ-മധ്യ അറബിക്കടലിൽ രൂപപ്പെട്ട ന്യൂനമർദ്ദമാണ് ഈ അപ്രതീക്ഷിത മഴയ്ക്ക് കാരണം.
tRootC1469263">രാജ്യത്തിന്റെ വാണിജ്യ തലസ്ഥാനമായ മുംബൈയിലും പൂനെയിലും ഉൾപ്പെടെ ഈ മഴ മുന്നറിയിപ്പ് നൽകിയിരിക്കുന്നത്. ഇടിമിന്നലോടു കൂടിയ മഴയും ശക്തമായ കാറ്റും വരും ദിവസങ്ങളിൽ പ്രതീക്ഷിക്കാമെന്നതിനാൽ, താമസക്കാർ അതീവ ജാഗ്രത പാലിക്കണമെന്ന് അധികൃതർ നിർദ്ദേശിക്കുന്നു. വിശദമായ മുന്നറിയിപ്പുകളിലേക്ക് കടക്കാം.
മഹാരാഷ്ട്രയിലെ പ്രധാനപ്പെട്ട നഗരങ്ങളെയും തീരദേശ പ്രദേശങ്ങളെയും ബാധിക്കുന്ന വിധത്തിലാണ് യെല്ലോ അലേർട്ട് പ്രഖ്യാപിച്ചിരിക്കുന്നത്.
മുംബൈ സിറ്റി, മുംബൈ സബർബൻ, താനെ, പാൽഘർ, റായ്ഗഡ്, രത്നഗിരി, പൂനെ, നാസിക്, സതാര, നന്ദേഡ് അലേർട്ട് ലഭിച്ച ജില്ലകൾ. ഈ ജില്ലകളിലെല്ലാം അടുത്ത 3 മണിക്കൂറിനുള്ളിൽ മഴയ്ക്ക് സാധ്യതയുണ്ട്. ജനങ്ങൾ ആവശ്യമായ മുൻകരുതലുകൾ എടുക്കണം. അടുത്ത 5 ദിവസങ്ങളിൽ പ്രദേശത്ത് ഇടിമിന്നലോടുകൂടിയ മഴയ്ക്കും മണിക്കൂറിൽ 30-40 കിലോമീറ്റർ വേഗതയിൽ കാറ്റിനും സാധ്യതയുണ്ടെന്ന് IMD മുന്നറിയിപ്പ് നൽകി.