തീ കൊളുത്തി ആത്മഹത്യ ചെയ്ത് യുവതി ; രക്ഷിക്കുന്നതിന് പകരം വീഡിയോ ചിത്രീകരിച്ച് ഭര്‍ത്താവ് ; അറസ്റ്റില്‍

തീ കൊളുത്തി ആത്മഹത്യ ചെയ്യാന്‍ ശ്രമിച്ച ഭാര്യയെ രക്ഷിക്കുന്നതിന് പകരം വീഡിയോ ചിത്രീകരിച്ച യുവാവിനെ പൊലീസ് അറസ്റ്റ് ചെയ്തു. മുപ്പത്തിമൂന്നു വയസ്സുകാരനായ രഞ്ജത്ത് സാഹയെയാണ് ക്രൂരത, ആത്മഹത്യ പ്രേരണ തുടങ്ങിയ വകുപ്പുകള്‍ ചുമത്തി പൊലീസ് അറസ്റ്റ് ചെയ്തത്.
ജനുവരി 4നാണ് പ്രതിമാദേവി എന്ന യുവതി ആത്മഹത്യയ്ക്ക് ശ്രമിച്ചത്. എന്നാല്‍ യുവതിയുടെ മരണത്തില്‍ ഭര്‍ത്താവിന് പങ്കുള്ളതായി യുവതിയുടെ സഹോദരന്‍ പൊലീസിനെ അറിയിച്ചു. അന്വേഷണത്തിനിടെ രഞ്ജിത്ത് സാഹയുടെ ഫോണില്‍ നിന്ന് യുവതി ആത്മഹത്യ ചെയ്യുന്നതിന്റെ ദൃശ്യങ്ങള്‍ കണ്ടെത്തി. ദമ്പതികള്‍ തമ്മിലുണ്ടായ വഴക്കിനിടയില്‍ യുവതിയോട് തീ കൊളുത്തി ആത്മഹത്യ ചെയ്യാന്‍ രഞ്ജിത്ത് പറഞ്ഞതായി പൊലീസ് പറഞ്ഞു.
തുടര്‍ന്ന് യുവതി വീട്ടില്‍ സൂക്ഷിച്ചിരുന്ന ഡീസല്‍ എടുത്തു ശരീരത്തില്‍ ഒഴിച്ചതിന് ശേഷം സ്വയം തീ കൊളുത്തി. ഭാര്യയുടെ മരണത്തില്‍ കുറ്റക്കാരനാകാതിരിക്കാന്‍ വേണ്ടിയാണ് വീഡിയോ ചിത്രീകരിച്ചതെന്ന് രഞ്ജിത്ത് പറഞ്ഞതായി പൊലീസ് പറഞ്ഞു.