.jpg)
ആട്ട വില കുത്തനെ കുറയുന്നു
Apr 29, 2025, 19:18 IST
ഡൽഹി : രാജ്യത്ത് ആട്ട വില കുറയുന്നു. കഴിഞ്ഞ ഒരു മാസത്തിനിടെ ആട്ട വില കിലോഗ്രാമിന് 5 രൂപ മുതൽ 7 രൂപ വരെയാണ് കുറഞ്ഞത്. പ്രധാന ഗോതമ്പ് ഉൽപ്പാദക സംസ്ഥാനങ്ങളായ പഞ്ചാബ്, ഹരിയാന, മധ്യപ്രദേശ്, ഉത്തർപ്രദേശ്, രാജസ്ഥാൻ, ഗുജറാത്ത് എന്നിവിടങ്ങളിൽ നിന്നുള്ള ഗോതമ്പ് വരവ് കൂടിയതോടെയാണ് ആട്ട വില താഴ്ന്നത്.
tRootC1469263">ഇതോടെ നിരവധി ബ്രാന്റഡ് ആട്ട കമ്പനികൾ കിലോഗ്രാമിന് 1.5 രൂപ മുതൽ 5 രൂപ വരെ വില കുറച്ചിട്ടുണ്ട്. അതേ സമയം ഈ വിലകുറവ് ചില്ലറ വിപണിയിൽ പൂർണ്ണമായും പ്രതിഫലിക്കാൻ കുറച്ച് ആഴ്ചകൾ കൂടി എടുത്തേക്കാമെന്ന് വിതരണക്കാർ പറയുന്നു. മൊത്തവിലയിലും ഗണ്യമായ കുറവ് ഉണ്ടായിട്ടുണ്ട്. ഡൽഹിയിൽ ക്വിന്റലിന് 2,900 രൂപ – 3,000 രൂപയായി വില കുറഞ്ഞു. ഒരു മാസം മുമ്പ് ഇത് 3,600 രൂപ മുതൽ – 3,700 രൂപ വരെയായിരുന്നു.
