'വിവാഹം ഒരുമാസം മുൻപ്'; വാഹനാപകടത്തിൽ സൈനിക ഉദ്യോ​ഗസ്ഥൻ മരിച്ചു

ജയ്സാൽമേർ: വാഹനാപകടത്തിൽ സൈനിക ഉദ്യോ​ഗസ്ഥൻ മരിച്ചു. ജയ്സാൽമേർ സൈനിക താവളത്തിലെ മേജർ ഹംസ ആരിഫാണ് മരിച്ചത്.  ഒരുമാസം മുൻപായിരുന്നു വിവാഹം .മധ്യപ്രദേശിലെ ഇൻഡോർ സ്വദേശിയാണ്.

വ്യാഴാഴ്ച രാത്രി ഹംസ ആരിഫും സഹപ്രവർത്തകരും സഞ്ചരിച്ച കാർ ഒട്ടകത്തെ ഇടിച്ച് നിയന്ത്രണംവിട്ട് മറിയുകയായിരുന്നു. അപകടത്തിൽ കാറിലുണ്ടായിരുന്ന ലെഫ്. ആയുഷ്മാൻ ​ഗുസൈൻ, ലെഫ്. അഭിനവ് റാത്തോഡ് എന്നിവർക്ക് പരിക്കേറ്റു. ഇവർ ചികിത്സയിലാണ്.

മധ്യപ്രദേശിലെ ഇൻഡോർ ധനന്ത്വരിന​ഗർ സ്വദേശിയാണ് മേജർ ഹംസ ആരിഫ്. 2016-ൽ ചമേലി ദേവി കോളേജിൽനിന്ന് ഇലക്ട്രിക് എൻജിനീയറിങ്ങിൽ ബിരുദം പൂർത്തിയാക്കിയ ഹംസ ആരിഫ്, 2017-ലാണ് സൈന്യത്തിൽ ജോലിയിൽപ്രവേശിച്ചത്.