.jpg)
വിജയ് നാളെ ദില്ലി സിബിഐ ഓഫീസില് ഹാജരാകും
Jan 11, 2026, 14:38 IST
ദുരന്തത്തിന് പിന്നിലെ സുരക്ഷാവീഴ്ചകളും മാനദണ്ഡങ്ങളുടെ ലംഘനവുമാണ് പ്രധാനമായും സിബിഐ പരിശോധിക്കുന്നത്
കരൂര് കേസില് ടിവികെ അധ്യക്ഷനും നടനുമായ വിജയ് നാളെ ദില്ലി സിബിഐ ഓഫീസില് ഹാജരാകും. രാവിലെ 11 മണിയ്ക്ക് ഓഫീസില് എത്തുമെന്നാണ് വിവരം. ദുരന്തത്തിന് പിന്നിലെ സുരക്ഷാവീഴ്ചകളും മാനദണ്ഡങ്ങളുടെ ലംഘനവുമാണ് പ്രധാനമായും സിബിഐ പരിശോധിക്കുന്നത്. നേരത്തെ പാര്ട്ടി ഭാരവാഹികളില് നിന്നും സിബിഐ വിവരങ്ങള് ശേഖരിച്ചിരുന്നു. വിജയെ ചോദ്യം ചെയ്യുന്നതിന്റെ മുന്നോടിയായി ഇന്നലെ വിജയ്യുടെ പ്രചാരണ വാഹനം സിബിഐ കസ്റ്റഡിയിലെടുത്തിരുന്നു.
tRootC1469263">
കഴിഞ്ഞ സെപ്റ്റംബര് 27-ന് കരൂരില് നടന്ന ടിവികെയുടെ രാഷ്ട്രീയ റാലിക്കിടെയുണ്ടായ തിക്കിലും തിരക്കിലും പെട്ട് 41 പേരാണ് മരിച്ചത്. സംഭവത്തില് സുപ്രീം കോടതി ഉത്തരവിനെ തുടര്ന്നാണ് സിബിഐ അന്വേഷണം ആരംഭിച്ചത്. വിരമിച്ച സുപ്രീം കോടതി ജഡ്ജി ജസ്റ്റിസ് അജയ് രസ്തോഗിയുടെ മേല്നോട്ടത്തിലാണ് നിലവില് അന്വേഷണം പുരോഗമിക്കുന്നത്.
