ചോർബഗാൻ ദുരന്തത്തിന് പിന്നാലെ ബംഗാളിൽ ജാഗ്രത: ദുർഗാ വിഗ്രഹ നിമജ്ജനത്തിന് മേൽനോട്ടം വഹിക്കാൻ 18 ഐ.പി.എസ്. ഉദ്യോഗസ്ഥർ

കോൽക്കത്ത:  കോൽക്കത്തയിൽ 19 പേരുടെ മരണത്തിനിടയാക്കിയ ചോർബഗാൻ ദുർഗാപൂജ പന്തൽ ദുരന്തത്തിന് പിന്നാലെ, പശ്ചിമ ബംഗാളിൽ ദുർഗാ വിഗ്രഹ നിമജ്ജന ചടങ്ങുകൾ കർശനമായി നിരീക്ഷിക്കാൻ 18 ഐ.പി.എസ്  ഉദ്യോഗസ്ഥരെ നിയോഗിച്ചു. കോൽക്കത്തയിലും സമീപത്തെ മൂന്ന് പൊലീസ് കമ്മിഷണറേറ്റുകളിലുമാണ് ഉദ്യോഗസ്ഥരെ വിന്യസിച്ചിരിക്കുന്നത്.

ആകെ 18 ഉദ്യോഗസ്ഥരിൽ 12 പേരെ കോൽക്കത്തയിലും, 6 പേരെ ഹൗറ, ബാരക്പുർ, ചന്ദനനഗർ കമ്മിഷണറേറ്റുകളിലുമാണ് ചുമതലപ്പെടുത്തിയിട്ടുള്ളത്. ബുധനാഴ്ച മുതൽ ഒക്ടോബർ 24 വരെ ഇവർ നിമജ്ജന ചടങ്ങുകൾക്ക് നേരിട്ട് മേൽനോട്ടം വഹിക്കും. സുരക്ഷാ വീഴ്ചകളും അപകടങ്ങളും ഒഴിവാക്കുന്നതിന്റെ ഭാഗമായാണ് ഓരോ ഉദ്യോഗസ്ഥരുടെയും ഡ്യൂട്ടി സമയക്രമം പ്രത്യേകം തയ്യാറാക്കി വിന്യസിച്ചിരിക്കുന്നത്.