.jpg)
ബംഗാളില് സ്കൂള് അസംബ്ലിയില് ഇനി 'വന്ദേമാതരം' നിര്ബന്ധം; ഉത്തരവിറക്കി വിദ്യാഭ്യാസ വകുപ്പ്
സംസ്ഥാനത്തെ എല്ലാ സര്ക്കാര്, എയ്ഡഡ് സ്കൂളുകളിലും രാവിലെ നടക്കുന്ന അസംബ്ലിയില് വന്ദേമാതരം ആലപിക്കാന് നിര്ദേശം നല്കിയതായി വിദ്യാഭ്യാസ വകുപ്പ് അറിയിച്ചു.
പശ്ചിമബംഗാളില് മുഖ്യമന്ത്രി സുവേന്ദു അധികാരിയുടെ നേതൃത്വത്തിലുള്ള ബിജെപി സര്ക്കാര് അധികാരമേറ്റതിന് പിന്നാലെ സംസ്ഥാനത്തെ എല്ലാ സ്കൂള് അസംബ്ലികളിലും 'വന്ദേമാതരം' ആലപിക്കുന്നത് നിര്ബന്ധമാക്കാന് ഉത്തരവ്. സംസ്ഥാനത്തെ എല്ലാ സര്ക്കാര്, എയ്ഡഡ് സ്കൂളുകളിലും രാവിലെ നടക്കുന്ന അസംബ്ലിയില് വന്ദേമാതരം ആലപിക്കാന് നിര്ദേശം നല്കിയതായി വിദ്യാഭ്യാസ വകുപ്പ് അറിയിച്ചു.
എല്ലാ വിദ്യാര്ത്ഥികളും ദേശീയ ഗാനാലാപനത്തില് പങ്കെടുക്കണമെന്നും നിര്ദേശം കര്ശനമായി പാലിക്കുന്നുണ്ടോയെന്ന് ഉറപ്പാക്കാന് സ്ഥാപന മേധാവികള്ക്ക് നിര്ദേശം നല്കിയതായും ഉത്തരവില് പറയുന്നുണ്ട്. കൂടാതെ സ്കൂളുകളില് വന്ദേമാതരം ആലപിക്കുന്നുണ്ടോയെന്ന് ഉറപ്പാക്കുന്നതിനായി വീഡിയോ ദൃശ്യങ്ങള് പകര്ത്തി സൂക്ഷിക്കാനും സ്കൂള് അധികൃതര്ക്ക് നിര്ദേശം നല്കിയിട്ടുണ്ട്. നേരത്തേ, ദേശീയഗാനമായ 'ജനഗണമന' മാത്രമാണ് സ്കൂളുകളില് ആലപിച്ചിരുന്നത്.
