.jpg)
ഉന്നാവോ ബലാത്സംഗ കേസില് സി.ബി.ഐ സുപ്രീം കോടതിയെ സമീപിച്ചു
2017 ല് കുല്ദീപ് സിങ് സെന്ഗാറും സഹായി ശശി സിങ്ങിന്റെ മകനും കൂട്ടുകാരും തട്ടിക്കൊണ്ടു പോയി ബലാത്സംഗത്തിന് ഇരയാക്കിയെന്ന പെണ്കുട്ടിയുടെ പരാതിയിലാണ് കേസ്.
ഉത്തര്പ്രദേശിലെ ഉന്നാവോ ബലാത്സംഗ കേസില് സി.ബി.ഐ സുപ്രീം കോടതിയെ സമീപിച്ചു. ബി.ജെ.പി മുന് എം.എല്.എ കുല്ദീപ് സിംഗ് സെന്ഗാറിന്റെ ജീവപര്യന്തം ശിക്ഷ മരവിപ്പിക്കുകയും ജാമ്യം റദ്ദാക്കുകയും ചെയ്ത ഡല്ഹി ഹൈക്കോടതി ഉത്തരവിനെതിരെയാണ് സി.ബി ഐ നടപടി.
15 ലക്ഷം രൂപയുടെ വ്യക്തിഗത ബോണ്ടും അതേ തുകയുടെ മൂന്ന് ആള് ജാമ്യവും സെന്ഗാര് ഹാരജാക്കണമെന്ന് ജസ്റ്റിസുമാരായ സുബ്രഹ്മണ്യം പ്രസാദ്, ഹരീഷ് വൈദ്യനാഥന് എന്നിവരടങ്ങുന്ന ബെഞ്ചിന്റേതായിരുന്നു നിര്ദേശം. 2017 ല് കുല്ദീപ് സിങ് സെന്ഗാറും സഹായി ശശി സിങ്ങിന്റെ മകനും കൂട്ടുകാരും തട്ടിക്കൊണ്ടു പോയി ബലാത്സംഗത്തിന് ഇരയാക്കിയെന്ന പെണ്കുട്ടിയുടെ പരാതിയിലാണ് കേസ്. അതിജീവിതയ്ക്ക് നീതി ഉറപ്പാക്കണമെന്നാവശ്യപ്പെട്ട് ഇടതുപക്ഷ സംഘടനകള് കോടതിക്ക് മുന്നില് പ്രതിഷേധവുമായി എത്തിയിരുന്നു.
tRootC1469263">അതേസമയം, സെന്ഗറിന്റെ ശിക്ഷ മരവിപ്പിച്ച് ജാമ്യം നല്കിയ ഡല്ഹി ഹൈക്കോടതി വിധിക്കെതിരെ പ്രതിഷേധം ശക്തമായിരുന്നു. ഹൈക്കോടതിയെ മുഴുവനായും താന് കുറ്റപ്പെടുത്തുന്നില്ലെന്നും തങ്ങളുടെ വിശ്വാസം തകര്ത്തത് രണ്ട് ജഡ്ജിമാര് മാത്രമാണെന്നും അതിജീവിതയുടെ അമ്മ മാധ്യമങ്ങളോട് പറഞ്ഞു. കുടുംബത്തോടുള്ള അനീതിയാണിത്. ഹൈക്കോടതിയിലുള്ള വിശ്വാസം നഷ്ടപ്പട്ടതിനാല് സുപ്രീംകോടതിയെ സമീപിക്കുമെന്നും അവിടെനിന്നും നീതി ലഭിച്ചില്ലെങ്കില് തങ്ങള് രാജ്യംവിട്ടുപോകുമെന്നും അവര് പറഞ്ഞു.
