ഇന്ന് ദേശീയ പത്രദിനം; ഉത്തരവാദിത്തമുള്ള മാധ്യമപ്രവർത്തനത്തിന്റെ പ്രാധാന്യം വീണ്ടും ഓർമിപ്പിച്ച് രാജ്യം

peperday

‍ഡൽഹി :നവംബർ 16 ഇന്ത്യയിൽ ദേശീയ പത്രദിനമായി ആചരിക്കുന്നു. സ്വതന്ത്രവും ഉത്തരവാദിത്തമുള്ളതുമായ മാധ്യമപ്രവർത്തനത്തിന്റെ പ്രാധാന്യം പൊതുസമൂഹത്തെ ഓർമിപ്പിക്കുന്നതിനാണ് ഈ ദിനം ആചരിക്കുന്നത്. രാജ്യത്തെ ജനാധിപത്യ സംവിധാനത്തിൽ മാധ്യമങ്ങൾ വഹിക്കുന്ന പങ്കും ഈ ദിനം അടിവരയിടുന്നു.

പ്രസ് കൗൺസിൽ ഓഫ് ഇന്ത്യയുടെ പ്രവർത്തനം ആരംഭിച്ചതിന്റെ ഓർമയ്ക്കായാണ് ദേശീയ പത്രദിനം ആചരിക്കുന്നത്. 1966 നവംബർ 16-നാണ് കൗൺസിൽ പ്രവർത്തനം ആരംഭിച്ചത്. മാധ്യമങ്ങളുടെ സ്വാതന്ത്ര്യം സംരക്ഷിക്കുന്നതിനൊപ്പം വാർത്താ പ്രസിദ്ധീകരണത്തിൽ ധാർമികതയും ഉത്തരവാദിത്തവും ഉറപ്പാക്കുന്നതും കൗൺസിലിന്റെ പ്രധാന ലക്ഷ്യങ്ങളിലൊന്നാണ്.

സാമൂഹിക മാധ്യമങ്ങളുടെ വ്യാപനത്തോടെ തെറ്റായ വാർത്തകളും സ്ഥിരീകരിക്കാത്ത വിവരങ്ങളും അതിവേഗം പ്രചരിക്കുന്ന സാഹചര്യമാണ് ഇന്ന് നിലനിൽക്കുന്നത്. അതിനാൽ വാർത്തകൾ പ്രസിദ്ധീകരിക്കുന്നതിന് മുമ്പ് വസ്തുതകൾ പരിശോധിക്കുകയും ജനങ്ങൾക്ക് ശരിയായ വിവരങ്ങൾ എത്തിക്കുകയും ചെയ്യേണ്ടതിന്റെ ആവശ്യകത ദേശീയ പത്രദിനം വീണ്ടും ഓർമിപ്പിക്കുന്നു.

Tags