.jpg)
ചോദ്യപേപ്പര് ചോര്ത്തിയവരെ ജയിലില് അടക്കും; വിദ്യാര്ഥികളുടെ താല്പര്യങ്ങള് സംരക്ഷിക്കുന്നതിനും പരീക്ഷകളില് സുതാര്യത ഉറപ്പാക്കുന്നതിനും സര്ക്കാര് പ്രതിജ്ഞാബദ്ധമാണെന്ന് പ്രധാനമന്ത്രി
Updated: Jul 21, 2026, 12:30 IST
ന്യൂഡല്ഹി:നീറ്റ് പരീക്ഷയില് ചോദ്യപേപ്പര് ചോര്ത്തിയവരെ ജയിലില് അടയ്ക്കുമെന്ന് പ്രധാനമന്ത്രി നരേന്ദ്രമോദി. എന്ഡിഎ പാര്ലമെന്ററി യോഗത്തിലാണ് മോദിയുടെ പരാമര്ശം. വിദ്യാര്ഥികളുടെ താല്പര്യങ്ങള് സംരക്ഷിക്കുന്നതിനും പരീക്ഷകളില് സുതാര്യതയും ഉത്തരവാദിത്തവും ഉറപ്പാക്കുന്നതിനും സര്ക്കാര് പ്രതിജ്ഞാബദ്ധമാണെന്ന് പ്രധാനമന്ത്രി യോഗത്തില് പറഞ്ഞു.
പരീക്ഷയിലെ ക്രമക്കേടിന് ഉത്തരവാദികളായവര്ക്കെതിരെ കര്ശന നടപടി സ്വീകരിക്കുമെന്ന് പ്രധാനമന്ത്രി പറഞ്ഞു. വിദ്യാര്ഥികളുടെ ഭാവിയെ തകര്ക്കുന്നതൊന്നും സര്ക്കാര് അനുവദിക്കില്ല. നീറ്റ് പരീക്ഷയിലെ ക്രമക്കേടുകള്ക്ക് ഉത്തരവാദികളായവര്ക്ക് കഠിനമായ ശിക്ഷ നല്കുമെന്നും അവരെ ജയിലിലടയ്ക്കുമെന്നും മോദി പറഞ്ഞു.
