.jpg)
തമിഴ് നടി ജീവനൊടുക്കി
വാടകയ്ക്കു താമസിക്കുന്ന കെങ്കേരിയിലെ വീട്ടിലാണ് നടിയെ മരിച്ച നിലയില് കണ്ടെത്തിയത്.
26 കാരിയായ കന്നഡ - തമിഴ് ടെലിവിഷന് നടി നന്ദിനി സി എം ആത്മഹത്യ ചെയ്ത നിലയില്. വാടകയ്ക്കു താമസിക്കുന്ന കെങ്കേരിയിലെ വീട്ടിലാണ് നടിയെ മരിച്ച നിലയില് കണ്ടെത്തിയത്. മുറിയില് നിന്നു ആത്മഹത്യാക്കുറിപ്പ് കണ്ടെത്തിയെന്നു പൊലീസ് അറിയിച്ചു. വിഷാദരോഗവും വ്യക്തിപരമായ പ്രശ്നങ്ങളും നേരിടുന്നുവെന്നും സര്ക്കാര് ജോലി നേടാനും വിവാഹത്തിനും തന്നെ വീട്ടുകാര് നിര്ബന്ധിക്കുന്നുവെന്നും കുറിപ്പില് പറയുന്നു. എന്നാല് തനിക്ക് അഭിനയം തുടരാനാണ് ആഗ്രഹം എന്നും ആത്മഹത്യാക്കുറിപ്പില് പറയുന്നു.
നന്ദിനിയുടെ പിതാവ് 2019ല് സര്ക്കാര് സര്വീസിലിരിക്കെ മരിച്ചിരുന്നു. ആശ്രിത നിയമനത്തിലൂടെ നന്ദിനിക്ക് ജോലിക്ക് ചേരാനുള്ള അവസരമുണ്ടായിരുന്നു. നന്ദിനിയെ ഫോണില് കിട്ടാതായപ്പോള് സുഹൃത്തുക്കള് താമസ സ്ഥലത്തെ വീട്ടുകാരെ അറിയിക്കുകയായിരുന്നു. ഇവര് വാതില് തുറന്ന് നോക്കിയപ്പോള് ജനാലക്കമ്പിയില് ഷാള് ഉപയോഗിച്ച് തൂങ്ങിയ നിലയിലാണ് നന്ദിനിയെ കണ്ടത്. ഉടന് പൊലീസില് അറിയിച്ചു. അസ്വാഭാവിക മരണത്തിന് കേസെടുത്തിട്ടുണ്ടെന്നും ദുരൂഹതയൊന്നും കണ്ടെത്താന് കഴിഞ്ഞിട്ടില്ലെന്ന് പൊലീസ് പറഞ്ഞു.
