.jpg)
സോനം വാങ്ചുകിനെ മേദാന്ത ആശുപത്രിയിലേക്ക് മാറ്റും; ഡല്ഹി ഹൈക്കോടതി നിര്ണ്ണായക ഉത്തരവ്
നീറ്റ് ചോദ്യപേപ്പര് ചോര്ച്ചയില് കേന്ദ്ര വിദ്യാഭ്യാസ മന്ത്രി ധര്മ്മേന്ദ്ര പ്രധാന്റെ രാജി ആവശ്യപ്പെട്ട് സോനം വാങ്ചുക്ക് നടത്തുന്ന നിരാഹാര സമരം തുടര്ച്ചയായ 24-ാം ദിവസത്തിലേക്ക് കടന്നിരിക്കുകയാണ്.
ഡല്ഹിയിലെ സഫ്ദർജങ് ആശുപത്രിയില് പ്രവേശിപ്പിച്ചിരുന്ന പ്രമുഖ പരിസ്ഥിതി-വിദ്യാഭ്യാസ പ്രവർത്തകൻ സോനം വാങ്ചുകിനെ ഗുരുഗ്രാമിലെ മേദാന്ത ആശുപത്രിയിലേക്ക് മാറ്റാൻ ഡല്ഹി ഹൈക്കോടതി ഉത്തരവിട്ടു.
സഫ്ദര്ജംഗ് ആശുപത്രിയില് നിന്ന് സ്ഥലം മാറ്റാന് അനുവദിക്കാത്ത ഹൈക്കോടതിയുടെ സിംഗിള് ബെഞ്ച് ഉത്തരവിനെതിരെ വാങ്ചുകിന്റെ ഭാര്യ ഗീതാഞ്ജലി ആങ്മോ നല്കിയ ഹര്ജിയെ തുടര്ന്നാണ് കോടതിയുടെ പുതിയ തീരുമാനം.
ഗുരുഗ്രാമിലെ മേദാന്ത ആശുപത്രിയിലേക്ക് ഉടന് മാറ്റാനാണ് ഡല്ഹി ഹൈക്കോടതി ചൊവ്വാഴ്ച ഉത്തരവിട്ടത്. സഫ്ദര്ജംഗ് ആശുപത്രിയിലെ എല്ലാ ചികിത്സാ വിശദാംശങ്ങളും ഉടന് മേദാന്ത ആശുപത്രിക്ക് കൈമാറണമെന്നും നിര്ദേശമുണ്ട്.
നീറ്റ് ചോദ്യപേപ്പര് ചോര്ച്ചയില് കേന്ദ്ര വിദ്യാഭ്യാസ മന്ത്രി ധര്മ്മേന്ദ്ര പ്രധാന്റെ രാജി ആവശ്യപ്പെട്ട് സോനം വാങ്ചുക്ക് നടത്തുന്ന നിരാഹാര സമരം തുടര്ച്ചയായ 24-ാം ദിവസത്തിലേക്ക് കടന്നിരിക്കുകയാണ്.
