ഡൽഹിയിൽ പുകമഞ്ഞ് രൂക്ഷം

ദേശീയ തലസ്ഥാനമായ ഡൽഹിയിൽ ശൈത്യകാലം കടുക്കുന്നതിനൊപ്പം അന്തരീക്ഷ മലിനീകരണവും ഗുരുതരമായ അവസ്ഥയിൽ തുടരുകയാണ്. നഗരത്തിന്റെ പല ഭാഗങ്ങളും കനത്ത പുകമഞ്ഞിൽ മൂടിയിരിക്കുന്നത് ജനജീവിതത്തെയും ദൂരക്കാഴ്ചയെയും സാരമായി ബാധിച്ചിട്ടുണ്ട്. കേന്ദ്ര മലിനീകരണ നിയന്ത്രണ ബോർഡിന്റെ കണക്കുകൾ പ്രകാരം ഡിസംബർ 7 ന് രാവിലെ 7 മണിയോടെ ഡൽഹിയിലെ വായു ഗുണനിലവാര സൂചിക (AQI) 365 രേഖപ്പെടുത്തി. ഇത് ‘വളരെ മോശം’ എന്ന വിഭാഗത്തിലാണ് ഉൾപ്പെടുന്നത്.