.jpg)
തുരങ്ക നിര്മ്മാണത്തിനിടെയുണ്ടായ അപകടത്തില് ഏഴ് തൊഴിലാളികള്ക്ക് ദാരുണാന്ത്യം
15 പേരെ പരിക്കുകളോടെ ആശുപത്രിയില് പ്രവേശിപ്പിച്ചിരിക്കുകയാണ്. ചമോലി ജില്ലയിലെ പിപല്ക്കോട്ടിക്ക് സമീപമാണ് അപകടം നടന്നത്.
ഡെറാഡൂണ്: ഉത്തരാഖണ്ഡില് മിന്നല് പ്രളയത്തെതുടര്ന്ന് തുരങ്ക നിര്മ്മാണത്തിനിടെയുണ്ടായ അപകടത്തില് ഏഴ് തൊഴിലാളികള്ക്ക് ദാരുണാന്ത്യം. 22 പേരാണ് തുരങ്കത്തില് ഉണ്ടായിരുന്നത്. 15 പേരെ പരിക്കുകളോടെ ആശുപത്രിയില് പ്രവേശിപ്പിച്ചിരിക്കുകയാണ്. ചമോലി ജില്ലയിലെ പിപല്ക്കോട്ടിക്ക് സമീപമാണ് അപകടം നടന്നത്. രണ്ട് പേര് ഇപ്പോഴും തുരങ്കത്തിനുള്ളില് കുടുങ്ങി കിടക്കുകയാണെന്നാണ് വിവരം.
നിര്മ്മാണ പ്രവര്ത്തനങ്ങള് നടന്നുകൊണ്ടിരുന്ന തുരങ്കത്തിലേക്ക് വൈകുന്നേരം 6.30-ഓടെ വന്തോതില് മണ്ണും വെള്ളവും ഇരച്ചുകയറിയതായി ജില്ലാ മജിസ്ട്രേറ്റ് ഗൗരവ് കുമാര് അറിയിച്ചു. രക്ഷാപ്രവര്ത്തനങ്ങളും ദുരിതാശ്വാസ നടപടികളും എത്രയും വേഗം നടത്താന് മുഖ്യമന്ത്രി പുഷ്കര് സിംഗ് ധാമി നിര്ദ്ദേശം നല്കി. മുതിര്ന്ന ഉദ്യോഗസ്ഥരില് നിന്ന് താന് തത്സമയ വിവരങ്ങള് ശേഖരിക്കുന്നുണ്ടെന്നും ധാമി പറഞ്ഞു.
