.jpg)
ആര്എസ്എസ് മേധാവി മോഹന് ഭാഗവത് സഞ്ചരിച്ച ട്രെയിനിന് നേരെ കല്ലേറ്
Updated: Jun 12, 2026, 10:18 IST
മോഹന് ഭാഗവത് ഇരുന്ന E-1 കോച്ചിന് നേരെയാണ് കല്ലേറുണ്ടായത്. എന്നാല് മോഹന് ഭാഗവത് ഇരുന്ന സീറ്റിന്റെ മറുവശത്താണ് കല്ലേറ് കൊണ്ടത്
ന്യൂഡല്ഹി: ആര്എസ്എസ് മേധാവി മോഹന് ഭാഗവത് സഞ്ചരിച്ച ട്രെയിനിന് നേരെ കല്ലേറ്. കാണ്പൂര് - ഡല്ഹി ശതാബ്തി എക്സ്പ്രസിന് നേര്ക്കാണ് കല്ലേറുണ്ടായത്. ഫിറോസ്ബാദില് റസല്പൂര് പൊലീസ് സ്റ്റേഷന് പരിധിയിലെ അതിര്ത്തിയില് ഇന്നലെ രാത്രിയാണ് സംഭവം.മോഹന് ഭാഗവതിന് പരിക്കുകളൊന്നുമില്ലെന്നും യാത്ര സുരക്ഷിതമായി തുടര്ന്നെന്നും സര്ക്കാര് റെയില്വേ പൊലീസ് ഇന്സ്പെക്ടര് ഷെര് സിങ് അറിയിച്ചു
ട്രെയിനിന്റെ വിന്ഡോ കല്ലേറില് തകര്ന്നു. മോഹന് ഭാഗവത് ഇരുന്ന E-1 കോച്ചിന് നേരെയാണ് കല്ലേറുണ്ടായത്. എന്നാല് മോഹന് ഭാഗവത് ഇരുന്ന സീറ്റിന്റെ മറുവശത്താണ് കല്ലേറ് കൊണ്ടത്. സിസിടിവി ദൃശ്യങ്ങള് കേന്ദ്രീകരിച്ച് അന്വേഷണം നടത്തുകയാണെന്ന് പോലീസ് അറിയിച്ചു. സംഭവത്തില് ഒരാളെ കസ്റ്റഡിയിലെടുത്തിട്ടുണ്ട്.
