റെയിൽവേ ഗ്രൂപ്പ് ഡി റിക്രൂട്ട്‌മെന്റ്! രജിസ്‌ട്രേഷൻ മാറ്റിവെച്ചു

റെയിൽവേ റിക്രൂട്ട്‌മെന്റ് ബോർഡ് (RRB) ഗ്രൂപ്പ് ഡി വിഭാഗത്തിലെ 22,000 ഒഴിവുകളിലേക്കുള്ള അപേക്ഷാ പ്രക്രിയ മാറ്റിവെച്ചു. മുൻപ് ജനുവരി 21-ന് ആരംഭിക്കുമെന്ന് അറിയിച്ചിരുന്ന രജിസ്‌ട്രേഷൻ നടപടികൾ പുതുക്കിയ ഷെഡ്യൂൾ പ്രകാരം ജനുവരി 31 മുതലാണ് ആരംഭിക്കുക. താല്പര്യമുള്ള ഉദ്യോഗാർത്ഥികൾക്ക് ഔദ്യോഗിക പോർട്ടലായ rrbapply.gov.in വഴി ഓൺലൈനായി അപേക്ഷിക്കാം. 2026 മാർച്ച് 2 രാത്രി 11:59 വരെയാണ് അപേക്ഷ സമർപ്പിക്കാനുള്ള അവസാന സമയം. സാങ്കേതികമോ ഭരണപരമോ ആയ കാരണങ്ങളാലാണ് തീയതിയിൽ മാറ്റം വരുത്തിയതെന്നാണ് സൂചന.