.jpg)
രാഹുലുമായി ബന്ധപ്പെട്ട അപവാദ പ്രചാരണങ്ങളെ പരിഹാസത്തോടെ തള്ളുന്നു ; പൂനം കൗര്
വ്യക്തിപരമായ യാതൊരു ബന്ധവുമില്ലെന്നും തെലുങ്ക് നടിയായ പൂനം കൗര് പറഞ്ഞു.
ലോക്സഭാ പ്രതിപക്ഷ നേതാവും കോണ്ഗ്രസ് നേതാവുമായ രാഹുല് ഗാന്ധിയുമായി ബന്ധപ്പെടുത്തി ഉയരുന്ന അഭ്യൂഹങ്ങളില് ആദ്യമായി പ്രതികരിച്ച് അഭിനേത്രി പൂനം കൗര്. രാഹുലിനെ കണ്ടത് കൈത്തറി വ്യവസായവുമായി ബന്ധപ്പെട്ട് മാത്രമാണെന്നും അദ്ദേഹവുമായി വ്യക്തിപരമായ യാതൊരു ബന്ധവുമില്ലെന്നും തെലുങ്ക് നടിയായ പൂനം കൗര് പറഞ്ഞു.
tRootC1469263">2022ല് രാഹുല് ഗാന്ധി നയിച്ച ഭാരത് ജോഡോ യാത്രയില് തെലങ്കാനയില് വെച്ച് പൂനം കൗര് പങ്കെടുത്തിരുന്നു. ഇതിനിടെ പൂനത്തിന്റെ കൈ പിടിച്ച് രാഹുല് യാത്രയില് നടക്കുന്ന ചിത്രം പുറത്തുവന്നിരുന്നു. എന്നാല് ഇത് ചിലര് വളച്ചൊടിച്ചുവെന്നും പ്രണയം, വിവാഹം തുടങ്ങിയ കാര്യങ്ങളുമായി ബന്ധിപ്പിക്കുകയും നിരുത്തരവാദപരമായി കിംവദന്തികള് പ്രചരിപ്പിച്ചുവെന്നും പൂനം ഒരു യൂട്യൂബ് ചാനലിന് നല്കിയ അഭിമുഖത്തില് പറഞ്ഞതായി ദേശീയ മാധ്യമങ്ങള് റിപ്പോര്ട്ട് ചെയ്തു. എന്നാല് അത്തരം അപവാദപ്രചാരണങ്ങള് പൂര്ണ്ണമായും വ്യാജവും അപകീര്ത്തികരവുമാണെന്ന് പരിഹാസത്തോടെ തള്ളിക്കളഞ്ഞുവെന്നും പൂനം പറഞ്ഞു.
